ជំរំបាឡូហ្គាលី៖ យោធាបង់ក្លាដែសបានចាប់ផ្តើមសាងសង់របងព័ទ្ធជុំវិញជំរំ ដែលមានផ្ទះរបស់ជនភៀសខ្លួនរ៉ូហ៊ីងយ៉ារាប់សែនខ្នង ទោះបីជាមានការតវ៉ាពីក្រុមមេដឹកនាំសហគមន៍ និងក្រុមសិទ្ធិមនុស្សក្តី។
អ្នកឆ្លើយឆ្លង AFP ម្នាក់កាលពីថ្ងៃអង្គារបានឃើញកងកម្លាំងក្នុងសម្លៀកបំពាក់យោធា បានសាងសង់សសររបងរាយបន្លាលួសយ៉ាងមុត ព័ទ្ធជុំវិញជំរំដ៏ធំមួយនៅឯជំរំបាឡូហ្គាលីនៅព្រំដែនស្រុកបាហ្សារភាគអាគ្នេយ៍។
ស្នងការទទួលបន្ទុកជនភៀសខ្លួននៅប្រទេស បង់ក្លាដែស លោក ម៉ាហុប អាឡាមតាល់ឡុកឌឺរ បានអះអាងប្រាប់AFP ថា ការសាងសង់បានចាប់ផ្តើម ប៉ុន្តែបានបដិសេធមិនអធិប្បាយបន្ថែមទេ។
ប្រមុខយោធាលោកឧត្តមសេនីយ៍ អាហ្ស៊ីស អាហ៍ម៉េដ បានថ្លែងកាលពីខែមុនថា ក្រុមវិស្វករយោធាបានចាប់ផ្តើមសាងសង់សសររបង ហើយដែលយោធាបាន «ចេញបញ្ជា» ឲ្យរាយបន្លាលួសជុំវិញជំរំនោះ។
ជំរំនោះមានមនុស្សរស់នៅជិត ១ លាននាក់ ដែលភាគច្រើននៃពួកគេជាជនភាគតិចមូស្លីមរ៉ូហ៊ីងយ៉ា មានប្រហែល ៧៥ ម៊ឺននាក់ ដែលបានរត់ភៀសខ្លួនចេញពីយុទ្ធនាការយោធាទ្រង់ទ្រាយធំ នៅក្នុងប្រទេស មីយ៉ាន់ម៉ា ក្បែរខាងកាលពីខែសីហា ឆ្នាំ ២០១៧។
ម្ចាស់ពានរង្វាន់ណូបែលសន្តិភាពលោកស្រី អ៊ុងសាន ស៊ូជី កាលពីថ្ងៃអង្គារបានចេញដំណើរទៅតុលាការយុត្តិធម៌អន្តរជាតិនៅក្រុងឡាអេ ដើម្បីការពារមីយ៉ាន់ម៉ាប្រឆាំងការចោទប្រកាន់ពីបទអំពើប្រល័យពូជសាសន៍។
ការសាងសង់នោះ បានកំពុងធ្វើឡើងនៅក្នុងប្រទេស បង់ក្លាដែស ហើយប្រហែលជាកំពុងរៀបចំទទួលជនភៀសខ្លួនទាំងនោះ ជាពិសេសចាប់តាំងពីមានការព្យាយាមចុងក្រោយ ដើម្បីធ្វើមាតុភូមិនិវត្តន៍ពួកគេត្រឡប់ទៅប្រទេស មីយ៉ាន់ម៉ា វិញ បានបរាជ័យកាលពីខែសីហា។
ក្រុមជនភៀសខ្លួនទាំងនោះ ត្រូវបានគេហាមប្រាមមិនឲ្យចាកចេញពីជំរំ ទោះបីជាពួកគេមានមធ្យោបាយជាច្រើន ដើម្បីដោះស្រាយក្តី ក៏អាជ្ញាធរមិនអាចគ្រប់គ្រងចលនារបស់ពួកគេទាំងអស់នោះបានដែរ។
ចំណុចត្រួតពិនិត្យថ្មីនៅតាមផ្លូវសំខាន់ធ្វើដំណើរទៅកាន់ជំរំរ៉ូហ៊ីងយ៉ា ហើយបានបញ្ជូនពួកគេវិលត្រឡប់ទៅលំនៅឋានដើមវិញ នៅពេលពួកគេបានព្យាយាមធ្វើដំណើរទៅកន្លែងផ្សេងទៀតរបស់បង់ក្លាដែស។
ប្រទេស បង់ក្លាដែស បានផ្តាច់ភ្លើងមិនឲ្យប្រើប្រាស់អ៊ីនធឺណិតល្បឿនលឿននៅក្នុងជំរំរ៉ូហ៊ីងយ៉ា បានដកហូតយកស៊ីមកាត និងទូរស័ព្ទដៃ ដែលបានប្រើប្រាស់ដោយក្រុមជនភៀសខ្លួនទាំងនោះ ហើយបានប្តឹងជាច្រើនករណីប្រឆាំងមនុស្សរាប់រយនាក់ ជុំវិញការទទួលបានអត្តសញ្ញាណប័ណ្ណដោយខុសច្បាប់។
វិធានការដើម្បីសាងសង់សសររបងបន្លាលួស ត្រូវបានថ្កោលទោសដោយក្រុមមេដឹកនាំរ៉ូហ៊ីងយ៉ា ដែលបានថ្លែងថា ពួកគេអាចនឹង «បង្កើត» ឲ្យមានភាពភ័យស្លន់ស្លោនៅក្នុងចំណោមជនរ៉ូហ៊ីងយ៉ា។
លោក ម៉ូហាម៉ាដ ហាស្ស៊ីម ថ្លែងថា «វិធានការនេះ នឹងរឹតត្បិតចលនារបស់យើង»៕ AFP/SK