ក្រុងកូឡុំបូ៖ នាយករដ្ឋមន្ត្រីស្រីលង្កា លោក ម៉ាហ៊ីនដា រ៉ាចាប៉ាកសា បានថ្លែងកាលពីថ្ងៃសៅរ៍ថា រដ្ឋាភិបាលរបស់លោកនឹងគាំទ្រយ៉ាងពេញទំហឹង ហើយបានពន្លឿនគម្រោងការអភិវឌ្ឍន៍កំពង់ផែក្រុងកូឡុំបូ ដែលបានសាងសង់ដោយប្រទេស ចិន ដើម្បីធានាថា កំពង់ផែនេះនឹងក្លាយជាមជ្ឈមណ្ឌលពាណិជ្ជកម្មថ្មីមួយនៅក្នុងប្រទេសកោះមួយនេះ។
លោក រ៉ាចាប៉ាកសា បានធ្វើទស្សនកិច្ចទៅកាន់ក្រុងកូឡុំបូ រួមជាមួយឯកអគ្គរដ្ឋទូតចិនប្រចាំនៅស្រីលង្កា គឺលោក ចេង ស៊ីយៀន និងក្រុមរដ្ឋមន្ត្រីរដ្ឋាភិបាលផ្សេងទៀត ដែលបានប្រកាសជាផ្លូវការថា មានផ្ទៃដីចំនួន ២៦៩ ហិកតា ដែលបានរានយកដីសមុទ្រ ដើម្បីគម្រោងនោះថាជាផ្នែករបស់សង្កាត់កូឡុំបូ។
ការបើកសម្ពោធមួយ និងថ្ងៃដាក់ដំណើរការដំបូង ត្រូវបានធ្វើឡើងនៅឯពិធីដ៏ធំមួយ ដោយមានការបាញ់កាំជ្រួចយ៉ាងគគ្រឹកគគ្រេងផងនោះ។
មន្ត្រីកំពង់ផែក្រុងកូឡុំបូ បានថ្លែងនៅក្នុងសេចក្តីថ្លែងការណ៍មួយ បន្ទាប់ពីកិច្ចពិភាក្សាជាមួយនាយករដ្ឋមន្ត្រីថា លោកនាយករដ្ឋមន្ត្រីបានប្តេជ្ញាចិត្តពន្លឿនការអនុវត្តគោលនយោបាយពិសេស របស់កំពង់ផែក្រុងកូឡុំបូចេញពីថ្នាក់ដឹកនាំរដ្ឋាភិបាល នៅក្នុងខែមករា ឆ្នាំ ២០២០ នៅពេលខាងមុខឆាប់ៗនេះ និងព្យាយាមសាងសង់គម្រោងឲ្យក្លាយទៅជាមជ្ឈមណ្ឌលពាណិជ្ជកម្មថ្មីមួយ សម្រាប់ប្រទេស ស្រីលង្កា នៅពេលឆាប់ៗនេះ។
គម្រោងនេះនឹងបង្កើតឲ្យមានការងារធ្វើជាង ៨ ម៉ឺនកន្លែង និងធ្វើឲ្យស្រីលង្កាក្លាយជាមជ្ឈមណ្ឌលហិរញ្ញវត្ថុ និងពាណិជ្ជកម្មក្នុងតំបន់៕ Xinhua/SK