ប្រធានាធិបតីប្រេស៊ីល លោក Jair Bolsonaro បានបដិសេធមិនអនុវត្តវិធានការសុខភាពសាធារណៈ ដើម្បីទប់ស្កាត់ការរីករាលដាលនៃវីរុសត្រូវបានពិន័យពីបទមិនបានគោរពតាមបទបញ្ជាសុវត្ថិភាពសុខភាពនៅក្នុងព្រឹត្តិការណ៍សាធារណៈមួយនៅក្នុងរដ្ឋ Maranhao។
កាលពីថ្ងៃទី ២១ ឧសភា អភិបាលរដ្ឋ Maranhao លោក Flavio Dino បាននិយាយថា អាជ្ញាធរសុខាភិបាលបានប្តឹងលោក Bolsonaro ចំពោះការផ្សព្វផ្សាយឱ្យ មានការជួបជុំនៅរដ្ឋ Maranhaoដោយពុំមានអនុវត្តវិធានការទប់ស្កាត់ការរីករាលដាលកូវីដ ១៩។
លោក Bolsonaro ត្រូវបានមហាជនរិះគន់ជុំវិញការគ្រប់គ្រងរបស់លោកចំពោះការទប់ស្កាត់ការរីករាលដាលកូវីដ ១៩ ដោយបដិសេធការអំពាវនាវឱ្យមានការបិទខ្ទប់ទូទាំងប្រទេស។
កាលពីខែមេសា ព្រឹទ្ធសភាប្រេស៊ីលបានបើកការស៊ើបអង្កេតមួយអំពីរបៀបដែលលោក Bolsonaro និងរដ្ឋាភិបាលរបស់លោកបានឆ្លើយតបចំពោះវិបត្តិនេះដោយបានដាក់សម្ពាធនយោបាយទៅលើអតីតប្រធានក្រុមកងទ័ពមុនការបោះឆ្នោតដែលគ្រោងធ្វើនៅឆ្នាំក្រោយ៕