ក្រុងកូឡុំបូៈ ប្រធានាធិបតីស្រីលង្កាកាលពីថ្ងៃអាទិត្យ បានអំពាវនាវឲ្យធ្វើកំណែទម្រង់នយោបាយស្របតាមរដ្ឋធម្មនុញ្ញរបស់ប្រទេស ដែលលោកបានណែនាំកាលពីឆ្នាំ ២០១៥ នោះ។
លោក Maithripala Siri- sena បានថ្លែងថា ការធ្វើវិសោធនកម្មច្បាប់រដ្ឋធម្មនុញ្ញនៅថ្ងៃទី ១៩ ដែលជាពិសេសបានផ្លាស់ប្តូរអំណាចខ្លះរបស់ប្រធានាធិបតីទៅឲ្យនាយករដ្ឋមន្ត្រី និងស្ថាប័នសំខាន់ៗមិនពាក់ព័ន្ធនយោបាយ គួរត្រូវបានបោះបង់ដោយសារតែខ្លួនបានដឹកនាំឲ្យឈានទៅរកការតស៊ូអំណាច។
លោក Siri-sena បានថ្លែងប្រាប់ជំនួបមួយនៅក្នុងក្រុងកូឡុំបូ ថា ៖ច្បាប់នោះ «បានបង្កឲ្យមានអស្ថិរភាព។ មិនមានមេដឹកនាំតែម្នាក់នោះទេ»។
ចំណែកប្រជាជន បានជឿជាក់ថា ប្រធានាធិបតី និងនាយករដ្ឋមន្ត្រី កំពុងដឹកនាំខុសៗគ្នា។
លោក Siri-sena បានឡើងកាន់អំណាច កាលពីឆ្នាំ ២០១៥ ដោយសន្យាថា នឹងធ្វើកំណែទម្រង់រដ្ឋធម្មនុញ្ញ ដែលត្រូវធ្វើវិសោធនកម្មច្បាប់នៅថ្ងៃទី ១៩ នៅក្នុងនោះមានការកាត់បន្ថយអំណាចនៃនាយកប្រតិបត្តិ និងផ្តល់សិទ្ធិដល់រដ្ឋសភាឲ្យបានច្រើនជាងមុនបន្ថែមទៀតនោះ។
ប៉ូលិស និងបុគ្គលិកសាធារណៈ គណៈកម្មាធិការរៀបចំការបោះឆ្នោត និងតុលាការ មិនត្រូវជាប់ពាក់ព័ន្ធជាមួយនយោបាយជាដាច់ខាត៕AFP/SK