.jpg)
កាលពីថ្ងៃអង្គារ ទី២០ មេសា ប្រធានាធិបតីអាមេរិក លោក Joe Biden បាននិយាយថា សហរដ្ឋអាមេរិកត្រូវតែបង្កើនការផលិតយានយន្តអគ្គិសនី ដើម្បីតាមទាន់ និងយកឈ្នះប្រទេសចិន។
កាលពីថ្ងៃទី ២០ មេសា លោក Biden បានទៅធ្វើទស្សនកិច្ចនៅរោងចក្រផលិតអាគុយ និងរថយន្តក្រុងអគ្គិសនី។ ក្នុងដំណើរទស្សនកិច្ចនោះ លោក Biden បាននិយាយថា យើងគួរតែជាអ្នកផ្គត់ផ្គង់រថយន្តក្រុងអគ្គិសនី និងយានយន្តនៅលើពិភពលោកដ៏សំខាន់បំផុត។ ឥឡូវនេះយើងកំពុងរត់តាមពីក្រោយប្រទេសចិន។
លោក Biden បានស្នើចំណាយថវិកា ១៧៤ ពាន់លានដុល្លារអាមេរិក ដើម្បីជំរុញការផលិត និងលក់រថយន្តក្រុង ព្រមទាំងរថយន្តដែលគ្មានការបំភាយឧស្ម័ន និងបង្កើនស្ថានីយបញ្ចូលថាមពលអគ្គិសនី។
ការជំរុញរបស់សេតវិមានក្នុងការផ្តល់អគ្គិសនីដល់យានយន្តនេះ កើតឡើងនៅពេលដែលប្រទេសចិនបានគ្រប់គ្រងទីផ្សាររថយន្តក្រុងអគ្គិសនីនៅលើពិភពលោក។ Proterra ដែលជាក្រុមហ៊ុនស្តុករថយន្ត និងថាមពលអាមេរិក បានប៉ាន់ប្រមាណថា ៥០ ភាគរយនៃរថយន្តក្រុង ដែលផលិតនៅអាមេរិកខាងជើង នៅឆ្នាំ ២០២៥ នឹងក្លាយជារថយន្តដែលត្រូវប្រើអគ្គិសនី៕
