The Phnom Penh Post Search

Search form




Logo of Phnom Penh Post newspaper Phnom Penh Post - ប្រធានាធិបតី​ស៊ីរី​បង្ហាញ​មុខ​ជា​សាធារណៈ​ដ៏​កម្រ

ប្រធានាធិបតី​ស៊ីរី​បង្ហាញ​មុខ​ជា​សាធារណៈ​ដ៏​កម្រ

ប្រធានាធិបតី​ស៊ីរី​បង្ហាញ​មុខ​ជា​សាធារណៈ​ដ៏​កម្រ

130503_18b
លោកអាសាដ (ស្តាំ)កំពុងសំណេះសំណាលជាមួយកម្មករអគ្គិសនី AFP

ក្រុងដាម៉ាសៈ​ទំព័រ​ហ្វេសប៊ុក​ផ្លូវការ​របស់ លោក​ប្រធានាធិបតី​បាន​និយាយ​ថា ប្រធានាធិបតី​ស៊ីរី លោក​បាសារ អាល់-អាសាដ​បាន​ធ្វើ​ទស្សនកិច្ច​ជា​សាធារណៈ​ដ៏​កម្រ​មួយ​កាលពី​ថ្ងៃ​ពុធ​ទៅ​កាន់​រោងចក្រ​អគ្គិសនី​នៅ​កណ្តាល​ក្រុង​ដាម៉ាស ដើម្បី​ប្រារព្ធ​ទិវា​ពលកម្ម​អន្តរជាតិ​។

ទំព័រ​ហ្វេសប៊ុក​នោះ បាន​និយាយ​ថា​៖​«​ប្រធានាធិបតី​អាសាដ​ពេល​នេះ​កំពុង​ទស្សន កិច្ច​រោងចក្រ​អគ្គិសនី​អ៊ូម៉ៃយ៉ាដ​នៅក្នុង​ឧទ្យាន ទីស្រីន​ក្នុង​ក្រុង​ដាម៉ាស និង​បាន​អបអរសាទរ​ដល់​កម្មករ​រោងចក្រ និង​កម្មករ​ស៊ីរី​នៅ​ថ្ងៃ​ឈប់​សម្រាក​របស់​ពួកគេ​»។

ទំព័រ​ហ្វេសប៊ុក​នោះ បាន​បង្ហោះ​រូបថត​មួយ​របស់​លោក​ប្រធានាធិបតី​ដែល​កំពុង​ថ្លែង​សុន្ទរកថា​ទៅ​កាន់​ហ្វូង​កម្មករ​ដែល​ពួកគេ​ខ្លះ​ពាក់ ឬ​កាន់​មួក​រឹង​។

បណ្តាញ​ផ្សព្វផ្សាយ​រដ្ឋ​បាន​ស្រង់​សំដី​របស់​លោក​ប្រធានាធិបតី ដូច​បាន​ថ្លែង​ទៅ​កម្មករ​ថា​៖​«​ក្រុម​ភេរវករ​និង​អ្នក​គាំទ្រ​ពួកគេ​កំពុង​ព្យាយាម​រុញ​ប្រទេស​ឲ្យ​ធ្លាក់​ចូល​ក្នុង​ភាព​ខ្មៅ​ងងឹត​។ មិន​ថា​តើ​ជា​កម្រិត​បញ្ញវន្ត​ឬ​សង្គម ឬ​ក៏​ដោយ​ក៏​ពលរដ្ឋ​ពី​សេវាកម្ម​មូលដ្ឋាន​នោះ​ទេ អគ្គិសនី​គឺជា​រឿង​សំខាន់»។

លោក​បាន​សរសើរ​ក្រុម​កម្មករ​ស៊ីរី​ដោយ​ថ្លែង​ថា​ពួកគេ​បាន​បង្ហាញ​ជា​ថ្មី​ក្នុង​ពេល​សង្គ្រាម​ថា​ពួកគេ​ជា​កម្លាំង​របស់​ជាតិ​ហើយ​ការ​វាយ​ប្រហារ​ពុំ​អាច​បញ្ឈប់​ពួកគេ​បាន​ទេ​»៕ CC

អត្ថបទគួរចាប់អារម្មណ៍