.jpg)
កាលពីថ្ងៃអាទិត្យ ទី ២៥ មេសា ប្រធានាធិបតីអាល់បានីបានចោទប្រកាន់ឯកអគ្គរដ្ឋទូតរបស់សហរដ្ឋអាមេរិកថា បានជ្រៀតជ្រែកក្នុងការបោះឆ្នោត។
ប្រធានាធិបតីប្រទេសអាល់បានីលោក Ilir Meta បានអះអាងថា ឯកអគ្គរដ្ឋទូតសហរដ្ឋអាមេរិកលោកស្រី Yuri Kim កំពុងគាំទ្រនាយករដ្ឋមន្ត្រីដែលកំពុងកាន់អំណាចគឺ លោក Edi Rama។ លោក Meta បានជំរុញឱ្យលោកស្រី Kim ឈប់គាំទ្រលោក Rama ដែលកំពុងរំលោភលើការបោះឆ្នោត។ ក្រោយមកឯកអគ្គរដ្ឋទូតសហរដ្ឋអាមេរិកបានរិះគន់ការលើកឡើងរបស់លោក Meta ថាជាការមិនអាចទទួលយកបាន។
លោក Ilir Meta បានចោទប្រកាន់ម្តងហើយម្តងទៀតទៅលើលោក Edi Rama ដែលជាគូប្រជែងនយោបាយរបស់លោក ហើយលោកបានចោទលោក Rama ពីបទព្យាយាមលួចសន្លឹកឆ្នោតសភា។ ប៉ុន្តែលោក Meta មិនមានអំណះអំណាងជាក់លាក់ណាមួយមកគាំទ្រការចោទប្រកាន់លោកឡើយ។
គួរបញ្ជាក់ផងដែរថា ប្រទេសអាល់បានីមានការបោះឆ្នោតជ្រើសរើសសមាជិកសភា ១៤០ នាក់នៅថ្ងៃទី ២៥ មេសា ដែលត្រូវបានគេចាត់ទុកថាជាគន្លឹះ ដើម្បីបញ្ចុះបញ្ចូលសហភាពអឺរ៉ុបទាំង ២៧ ប្រទេសឱ្យយល់ព្រមលើការចាប់ផ្តើមការចរចា ដើម្បីទទួលយកប្រទេសបាល់កង់ជាសមាជិក៕
