.jpg)
អគ្គមេបញ្ជាការកងទ័ពមីយ៉ាន់ម៉ាលោកឧត្តមសេនីយ៍ Min Aung Hlaing។ AFP c
ក្រុងយុាំងហ្គោនៈ រយៈពេលមួយសប្តាហ៍ក្រោយពីក្រុមអ្នកស៊ើបអង្កេតUN បានអំពាវនាវឲ្យលោក និងក្រុមឧត្តមសេនីយ៍កំពូលដទៃទៀត ត្រូវកាត់ទោសពីបទប្រល័យពូជសាសន៍ប្រឆាំងនឹងរ៉ូហ៊ីងយ៉ាប្រមុខកងទ័ពមីយ៉ាន់ បានថ្លែងថា អង្គការសហប្រជាជាតិ គ្មានសិទ្ធិជ្រៀតជ្រែកនៅក្នុងអធិបតេយ្យភាពនៃប្រទេសរបស់លោក បានទេ។
ការឆ្លើយដ៏ផ្គើនបែបនេះ គឺជាប្រតិកម្មជាសាធារណៈលើកដំបូងរបស់ប្រមុខកងទ័ព ចាប់តាំងពីបេសកកម្មស្វែងរកការពិតរបស់អង្គការសហប្រជាជាតិ បានជំរុញឲ្យក្រុមប្រឹក្សាសន្តិសុខនេះ បង្វែរក្រុមមេដឹកនាំយោធាជាន់ខ្ពស់នេះទៅតុលាការឧក្រិដ្ឋកម្មអន្តរជាតិ(ICC) វិញនោះ។
លោកឧត្តមសេនីយ៍ ក៏បានទាត់ចោលការទាមទាររបស់អង្គការសហប្រជាជាតិឲ្យកងទ័ពដកខ្លួនពីជីវិតនយោបាយនៅក្នុងប្រទេសមីយ៉ាន់ម៉ា ជាទីដែលខ្លួននៅតែមានឥទ្ធិពល ថ្វីបើមានអន្តរកាលមួយ ឈានទៅការគ្រប់គ្រងដោយស៊ីវិលនៅក្នុងឆ្នាំ២០១១ ក្តី។
សារព័ត៌មានMyawady បានរាយការណ៍អំពីលោក Min Aung Hlaingដែលបានថ្លែងប្រាប់កងទ័ពនៅក្នុងសន្ទរកថាមួយ កាលពីថ្ងៃអាទិត្យថា គ្មានប្រទេស អង្គការ ឬក្រុមណាមួយ មានសិទ្ធិជ្រៀតជ្រែក និងធ្វើការសម្រេចចិត្តទៅលើអធិបតេយ្យភាពនៃប្រទេសមួយ បានទេ៕ PSA
