The Phnom Penh Post Search

Search form




Logo of Phnom Penh Post newspaper Phnom Penh Post - ប្រមុខ​ការពារ​ជាតិ​កូរ៉េ​ខាង​ត្បូង ​ប្តេជ្ញា​ការពារ​សន្តិភាព​នៅ​ឧបទ្វីប​កូរ៉េ




ប្រមុខ​ការពារ​ជាតិ​កូរ៉េ​ខាង​ត្បូង ​ប្តេជ្ញា​ការពារ​សន្តិភាព​នៅ​ឧបទ្វីប​កូរ៉េ

Content image - Phnom Penh Post
រដ្ឋមន្ត្រី​ក្រសួង​ការពារ​ជាតិ​លោក ​ស៊ូហ៍​ វុក​ ថ្លែងនាពេលកន្លងមក។ រូបថត Yonhap

ប្រមុខ​ការពារ​ជាតិ​កូរ៉េ​ខាង​ត្បូង ​ប្តេជ្ញា​ការពារ​សន្តិភាព​នៅ​ឧបទ្វីប​កូរ៉េ

ក្រុង​សេអ៊ូល៖ ​រដ្ឋមន្ត្រី​ក្រសួង​ការពារ​ជាតិ​លោក ​ស៊ូហ៍​ វុក​ បាន​ប្តេជ្ញា​កាល​ពី​ថ្ងៃ​ចន្ទ​ថា​ នឹង​ការពារ​សន្តិភាព​ និង​វិបុលភាព​នៅ​ឧបទ្វីប​កូរ៉េ​ឱ្យ​បាន​ខ្លាំង​ក្លា​ ខណៈ​លោក​បាន​ប្រារព្ធ​ខួប​លើក​ទី​១០​ នៃ​ការ​វាយ​ប្រហារ​កាំភ្លើង​ធំ​របស់​កូរ៉េ​ខាង​ជើង​​ទៅ​លើ​កោះ​ព្រំដែន​កូរ៉េ​ខាង​ត្បូង​បណ្តាល​ឱ្យ​មនុស្ស​ស្លាប់​អស់​យ៉ាង​ច្រើន​។

ការ​បាញ់​ផ្លោង​កាល​ពី​ថ្ងៃទី ​២៣​ ខែ​វិច្ឆិកា ​ឆ្នាំ ​២០១០​ ទៅ​លើ​កោះ​យុនភីយុង ​(Yeonpyeong) ​ជា​កោះ​ខ្សែ​បន្ទាត់​ព្រំដែន​ជួរ​មុខ​នៅ​ជិត​ព្រំដែន​សមុទ្រ​លឿង​ ដែល​បាន​បើក​ការ​វាយ​ប្រហារ​ដំបូង​របស់​កូរ៉េខាង​ជើង​ ទៅ​លើ​ទឹក​ដី​​កូរ៉េ​ខាង​ត្បូង​ ចាប់​តាំង​ពី​សង្គ្រាម​កូរ៉េ​ឆ្នាំ ​១៩៥០-​៥៣​ ហើយ​បាន​បង្ក​ឱ្យ​ទាហាន​ជើង​ទឹក ​២ ​នាក់​ និង​ជន​ស៊ីវិល ​២ ​នាក់​ផ្សេង​ទៀត​ស្លាប់ ​នៅ​ក្នុង​ការ​វាយ​ប្រហារ​គ្នា​នៅ​ទីនោះ​។​

លោក ​ស៊ូហ៍​ វុក ​បាន​ថ្លែង​នៅ​ក្នុង​សុន្ទរកថា​រំឭក​មួយ​ នៅ​ក្នុង​ពិធី​ប្រារព្ធ​ខួប​ ដែល​បាន​រៀបចំ​ធ្វើ​ឡើង​នៅ​បរិវេណ​បញ្ចុះ​សព​ទាហាន​ជាតិ ​១ កន្លែង​ នៅ​កណ្តាល​ទីក្រុង​ដៃជុន ​(Daejeon)​ថា៖ ​«​សន្តិភាព​ពិត​ប្រាកដ​ ត្រូវ​បាន​គាំទ្រ​ដោយ​កងកម្លាំង​ដ៏​ខ្លាំង​ក្លា​»​។ ​«យើង​នឹង​បង្កើត​កង​កម្លាំង​ការពារ​សន្តិភាព​ និង​វិបុលភាព​នៅ​ឧបទ្វីប​កូរ៉េ​ឱ្យ​បាន​ខ្លាំង​ក្លា​ ក្នុង​គោល​បំណង​មិនមែន ​ដើម្បី​ឱ្យ​ការ​ឈឺ​ចាប់​អតីតកាល​កើត​ឡើង​ច្រំដែល​ទៀត​​ទេ​»​។​

កង​ម៉ារីន​ថ្លែង​ថា​ ខ្លួន​នឹង​ប្រគល់​កន្លែង​ដាក់​កាំភ្លើង​ធំ​ទៅ​ឱ្យ​អង្គភាព​យុនភីយុង​ប្រើប្រាស់ ​ដើម្បី​វាយ​បក​វិញ​ជា​ការ​ឆ្លើយ​តប​​នឹង​ការ​វាយ​ប្រហារ​របស់​កូរ៉េ​ខាង​ជើង​៕ Yonhap/SK

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ