.jpg)
កាលពីថ្ងៃអាទិត្យ ទី ៤ មេសា ប្រមុខការពារជាតិហ្វីលីពីននិយាយថា ចិនមានបំណងកាន់កាប់តំបន់សមុទ្រចិនខាងត្បូងបន្ថែមទៀត។ រដ្ឋមន្ត្រីការពារជាតិលោក Delfin Lorenzana បាននិយាយនៅក្នុងសេចក្តីថ្លែងការណ៍មួយថា៖ «វត្តមានរបស់កងជីវពលសមុទ្រចិននៅក្នុងតំបន់នេះ បង្ហាញពីចេតនារបស់ពួកគេក្នុងការកាន់កាប់បន្ថែមទៀតនៅក្នុងតំបន់នៅសមុទ្រហ្វីលីពីនខាងលិច»។ នេះបើតាមការរាយការណ៍របស់សារព័ត៌មាន Reuters។
ស្ថានទូតចិនប្រចាំនៅទីក្រុងម៉ានីល បានឆ្លើយតបនឹងការអត្ថាធិប្បាយរបស់លោក Lorenzana ថា វត្តមាននាវានេសាទចិននៅទីនោះ គឺជារឿងធម្មតាទេ ពេលខ្លះនាវាទាំងនោះចតនៅទីនោះ ដោយសារតែអាកាសធាតុមិនអំណោយផល។
តុលាការអន្ដរជាតិបានបដិសេធការទាមទាររបស់ចិននៅឆ្នាំ ២០១៦ ដោយប្រទេសចិន ទាមទារ ៩០ ភាគរយ នៃដែនសមុទ្រចិន ប៉ុន្តែទីក្រុងប៉េកាំងមិនទទួលស្គាល់សេចក្តីសម្រេចនេះទេ ហើយបានសាងសង់កោះសិប្បនិម្មិតនៅក្នុងដែនទឹកដែលមានជម្លោះ ដែលបំពាក់ដោយរ៉ាដាកាំជ្រួចមីស៊ីល និងផ្ទាំងថ្មសម្រាប់យន្តហោះចម្បាំង៕
