.jpg)
យន្តហោះIL-20Mរបស់រុស្ស៊ី ដែលត្រូវបានប្រព័ន្ធការពារដែនអាកាសស៊ីរីបាញ់ទម្លាក់កាលពីថ្ងៃទី១៧ ខែកញ្ញា ឆ្នាំ២០១៨។ AFP
ក្រុងហ្ស៊េរុយឡិមៈ មេបញ្ជាការកងទ័ពអុីស្រាអែល បានដឹកនាំគណៈប្រតិភូមួយក្រុមទៅកាន់ក្រុងម៉ូស្គូ កាលពីថ្ងៃព្រហស្បតិ៍នេះ ដើម្បីជួយយោធាស្វែងរកយន្តហោះ រុស្ស៊ី ត្រូវបានស៊ីរីបាញ់ទម្លាក់ បន្ទាប់ពីការវាយប្រហារផ្លូវអាកាសរបស់អុីស្រាអែល។
ប្រធានាធិបតីស៊ីរីលោក បាសារ-អាល់-អាសា បានស្តីបន្ទោសអុីស្រាអែល ចំពោះឧប្បត្តិហេតុនោះ ដែលជាករណីបាញ់ច្រឡំដ៏អាក្រក់បំផុតរវាងក្រុង ម៉ូស្គូ និង របបលោកចាប់តាំងពីកងទ័ពរុស្ស៊ី បានធ្វើអន្តរាគមន៍នៅក្នុងប្រទេសហែកហួរដោយសង្រ្គាមនេះ កាលពីចុងឆ្នាំ ២០១៥។
នៅក្នុងសេចក្តីថ្លែងការណ៍មួយ កាលពីថ្ងៃពុធ កងទ័ពអុីស្រាអែល បាននិយាយថា គណៈប្រតិភូ ដែលធ្វើដំណើរទៅ រុស្ស៊ី ត្រូវបានដឹកនាំដោយលោកឧត្តមសេនីយ៍ឯក Amikam Norkin នឹងបង្ហាញរបាយការណ៍នៃស្ថានភាពទាក់ទងនឹងឧប្បត្តិហេតុនោះ។
សេចក្តីថ្លែងការណ៍នោះ បានឲ្យដឹងថា របាយការណ៍នោះ ក៏នឹងផ្តល់ព័ត៌មានស្តីអំពីកិច្ចប្រឹងប្រែងរបស់អុីរ៉ង់ ដើម្បីផ្ទេរអាវុធយុទ្ធសាស្រ្តទៅឲ្យអង្គការភេរវកម្មហេសបូឡា និងបង្កើតវត្តមានយោធាអុីរ៉ង់នៅក្នុងប្រទេសអុីរ៉ង់។
ប្រព័ន្ធការពារផ្លូវអាកាសរបស់ស៊ីរី បានបាញ់ទម្លាក់យន្តហោះយោធារុស្ស៊ីកាលពីថ្ងៃចន្ទ ដោយបានបណ្តាលឲ្យទាហាន១៥នាក់ស្លាប់ ក្រោយពីមីស៊ីលរបស់អុីស្រាអែលបានវាយប្រហារតំបន់ឆ្នេរសមុទ្រLatakia។
កាលពីដើមខែនេះ ប្រទេសអុីស្រាអែល បានទទួលស្គាល់ថា ខ្លួនបានធ្វើការវាយប្រហារជាង២០០លើកនៅក្នុងទឹកដីប្រទេសស៊ីរីកាល១៨ខែ កន្លងទៅ ពោលគឺប្រឆាំងគោលដៅនានារបស់អុីរ៉ង់។
ក្រោយពីឧប្បត្តិហេតុកាលពីថ្ងៃចន្ទ យោធារុស្ស៊ី បានចោទប្រកាន់ពីឡុតអុីស្រាអែលពីបទប្រើយន្តហោះរុស្ស៊ី ជារបាំង ដោយនាំឲ្យយន្តហោះនោះត្រូវប្រព័ន្ធការពារដែនអាកាសស៊ីរីបាញ់ទម្លាក់៕ PSA
