.jpg)
ក្មេងៗសម្លឹងមើល ខណៈរថយន្តយោធាអាមេរិកបើកនៅតាមបណ្តោយផ្លូវមួយនៅភាគឦសាន នៃក្រុង Qamishli ដែលកាន់កាប់ដោយកងកម្លាំងឃើដ។ AFP
ក្រុងសេអ៊ូល៖ ប្រមុខមន្ទីរបញ្ចកោណ លោក Mark Esper បានថ្លែងកាលពីថ្ងៃពុធថា អាមេរិកនឹងរក្សាទុកទាហានប្រហែល ៦០០ នាក់ នៅក្នុងប្រទេស ស៊ីរី ទោះបីជាលោក ដូណាល់ ត្រាំ មានបំណងចង់បញ្ចប់ការជាប់ពាក់ព័ន្ធរបស់អាមេរិកនៅក្នុងអ្វីដែលលោកប្រធានាធិបតី បានហៅថាជា «សង្គ្រាមគ្មានទីបញ្ចប់» នោះ។
រដ្ឋមន្ត្រីការពារជាតិអាមេរិកបានថ្លែងនៅលើយន្តហោះ ខណៈលោកបានធ្វើដំណើរទៅទីក្រុងសេអ៊ូល ជាទីដែលលោក ចាប់ផ្តើមដំណើរទស្សនកិច្ចទៅកាន់តំបន់អាស៊ីកាលពីថ្ងៃព្រហស្បតិ៍ថា៖ «យើងកំពុងដកកងកម្លាំងចេញពីប្រទេស ស៊ីរីភាគឦសាន»។
លោកបានថ្លែងថា៖ «យើងមានកងកម្លាំងប្រហែល ៥០០ ទៅ ៦០០ នាក់ នៅទីនោះ»។
ដោយបានសួរថា តើតួលេខនោះ រាប់បញ្ចូលកងកម្លាំងប្រហែល ២០០ នាក់ ដែលបានដាក់ពង្រាយនៅមូលដ្ឋានអាល់តាន់ នៅជិតព្រំដែនភាគអាគ្នេយ៍ជាមួយប្រទេស ហ៊្សកដានី និងអ៊ីរ៉ាក់ លោក Esper បានថ្លែងថា លោកកំពុងនិយាយសំដៅទៅលើប្រទេស ស៊ីរីភាគឦសាន ជាទីដែលលោក ត្រាំ បានបញ្ជាឲ្យមន្ទីរបញ្ចកោណធានាការពារអណ្តូងប្រេងទីនោះ ដោយអះអាងថាអាចមានទាហាន ៦០០ នាក់នៅស៊ីរី៕ AFP/SK
