The Phnom Penh Post Search

Search form




Logo of Phnom Penh Post newspaper Phnom Penh Post - ប្រាយុធ​ ចាន-អូចា ​មិន​ប្រឆាំង​ជំទាស់​ការ​​ធ្វើ​វិសោធនកម្ម​ច្បាប់​រដ្ឋ​ធម្មនុញ្ញ​ទេ

ប្រាយុធ​ ចាន-អូចា ​មិន​ប្រឆាំង​ជំទាស់​ការ​​ធ្វើ​វិសោធនកម្ម​ច្បាប់​រដ្ឋ​ធម្មនុញ្ញ​ទេ

Content image - Phnom Penh Post
លោក​ ប្រាយុធ​ ចាន-អូ​ចា ថ្លែង​ទៅកាន់ក្រុម​ពលរដ្ឋ​ក្នុង​តំបន់​ ក្នុងដំណើរ​​ទស្សនកិច្ច​របស់​លោក​​ទៅខេត្ត​កានចាន់ណាប៊ូរី កាល​ពី​ថ្ងៃ​ចន្ទ។ BKP

ប្រាយុធ​ ចាន-អូចា ​មិន​ប្រឆាំង​ជំទាស់​ការ​​ធ្វើ​វិសោធនកម្ម​ច្បាប់​រដ្ឋ​ធម្មនុញ្ញ​ទេ

ក្រុង​បាងកក៖ ​លោក​នាយក​រដ្ឋមន្ត្រី ​ប្រាយុធ ​ចាន-​អូ​ចា​ កាល​ពី​ថ្ងៃ​អង្គារ​បាន​ថ្លែង​ថា​ លោក​មិន​ប្រឆាំង​ជំទាស់​​ការ​​ធ្វើ​វិសោធនកម្ម​ច្បាប់​រដ្ឋ​ធម្មនុញ្ញ​ទេ​ ទោះបី​ជា​មាន​បញ្ហា​មួយ​ចំនួន​ ត្រូវ​ឆ្លង​កាត់​​ដំណើរការ​​​សវនការ​​សាធារណៈ​ក្តី​។​

ដោយ​ថ្លែង​ក្រោយ​ពី​កិច្ច​ប្រជុំ​គណៈ​រដ្ឋមន្ត្រី​ចល័ត​មួយ​ នៅ​ក្នុង​ខេត្ត​កានចាន់​ណាប៊ូរី​ លោក​ឧត្តម​សេនីយ៍ ​ប្រាយុធ ​ចាន​-អូ​ចា ​បាន​ថ្លែង​ថា​ ច្បាប់​នេះ​ គួរ​ត្រូវ​ទុក​ឲ្យ​សភា​ទទួល​ខុស​ត្រូវ​ចំពោះ​​ដំណើរ​ការ​នេះ​​ ទោះបី​ជា​លោក​បាន​ថ្លែង​ថា​ លោក​បាន​ត្រៀម​ខ្លួន​រួច​ជា​ស្រេច​ ដើម្បី​គាំទ្រ​ការ​ធ្វើ​វិសោធនកម្ម​ច្បាប់​រដ្ឋ​ធម្មនុញ្ញ​ថា​ វា​ជា​ផ្នែក​នៃ​សេចក្តី​ថ្លែង​ការណ៍​ពី​គោល​​នយោបាយ​របស់​រដ្ឋាភិបាល​ក្តី​។​

លោក​ឧត្តម​សេនីយ៍ ​ប្រាយុធ​ ចាន-អូចា ​បាន​ថ្លែង​កាល​ពី​ថ្ងៃ​អង្គារ​ថា​៖ «ចូរ​កុំ​យក​ខ្ញុំ ​ឬ​រដ្ឋាភិបាល​ទៅ​ពាក់ព័ន្ធ​ជាមួយ​ឲ្យ​សោះ​។ នេះ​គឺ​ជា​យន្តការ​របស់​សភា ​ខ្ញុំ​គ្មាន​អ្វី​ត្រូវ​ធ្វើ​ជាមួយ​ច្បាប់​នេះ​ទេ​ ច្បាប់​នេះ ​ប្រហែល​ជា​កាតព្វ​កិច្ច​របស់​អ្នក​គ្រប់​គ្នា ​ដែល​ត្រូវ​ធ្វើ​ការងារ​​ដើម្បី​​ផល​ប្រយោជន៍​របស់​ប្រទេស​ជាតិ​។​

លោក ប្រាយុធ​ បាន​បន្ថែម​​ថា​ អ្នក​ដែល​កំពុង​​​​ប្រឹងប្រែង​​វិសោធនកម្ម​ច្បាប់​រដ្ឋធម្មនុញ្ញ​ ត្រូវ​បាន​រៀបចំ​ដើម្បី​ពន្យល់​ប្រាប់​ហេតុ​ផល​របស់​ពួក​គេ​ទៅ​កាន់​សាធារណជន​ឲ្យ​បាន​ដឹង​។​

គណបក្ស​ប្រឆាំង​ដឹកនាំ​ដោយ​បក្ស​ភឿ​ថៃ​ បាន​ធ្វើ​យុទ្ធនា​ការ​យ៉ាង​តឹងរ៉ឹង​ដើម្បី​សរសេរ​ច្បាប់​ឡើង​វិញ​ អំពី​អ្វី​ដែល​ក្រុម​អ្នក​រិះ​គន់ ​បាន​ពិពណ៌នា​ថា ​ការ​ធ្វើ​វិសោធនកម្ម​ច្បាប់​រដ្ឋ​ធម្មនុញ្ញ​ធ្វើ​ឲ្យ​មាន​កំហុស​យ៉ាង​ធ្ងន់ធ្ងរ។​

បញ្ហា​មួយ​ក្នុង​ចំណោម​បញ្ហា​សំខាន់​ជា​ច្រើន​ដែល​ត្រូវ​កំណត់​គោល​ដៅ​ដើម្បី​កែប្រែ គឺ​ជា​លក្ខខណ្ឌ​នៃ​រដ្ឋ​ធម្មនុញ្ញ​ដែល​អនុញ្ញាត​ឲ្យ​​សមាជិក​​ព្រឹទ្ធសភា​ បាន​ចូលរួម​ជា​មួយ​សភា​នៅ​ក្នុង​ការ​បោះ​ឆ្នោត ​ដើម្បី​ជ្រើស​រើស​នាយក​រដ្ឋមន្ត្រី ​១ ​រូប​៕ BKP/SK

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។