ក្រុងបាងកកៈ លោកនាយករដ្ឋមន្ត្រី ប្រាយុធ ចានអូចា បានប្រលយពាក្យជាថ្មីម្តងទៀតថា លោកបានត្រៀមខ្លួនវិលត្រឡប់ទៅធ្វើជានាយករដ្ឋមន្ត្រី ក្រោយពីបោះឆ្នោតនៅថ្ងៃទី ២៤ ខែកុម្ភៈ ឆ្នាំក្រោយ មួយថ្ងៃបន្ទាប់ពីបម្រាមទៅលើសកម្មភាពនយោបាយត្រូវបានដកចេញនោះ។
ក្នុងអំឡុងដំណើរទស្សនកិច្ចរបស់លោកជាមួយគណៈរដ្ឋមន្ត្រីទៅកាន់ខេត្ត Bung Kan ភាគឦសានកាលពីថ្ងៃពុធ លោកឧត្តមសេនីយ៍ ប្រាយុធ បានទទួលស្គាល់ថា លោកឥឡូវនេះ លោកគឺជាអ្នកនយោបាយពេញលេញម្នាក់។ «ថ្ងៃនោះ ខ្ញុំនៅទីនេះ។ បើសិនជាខ្ញុំប្រាប់អ្នកថា ខ្ញុំមិនមែនជាអ្នកនយោបាយពេញលេញទេ នោះមិនមែនជាការពិតនោះទេ ពីព្រោះខ្ញុំកំពុងគ្រប់គ្រងប្រទេស»។
លោក ប្រាយុធ បានថ្លែងថា៖ «ក្នុងនាមជាអ្នកនយោបាយ ១ រូប ខ្ញុំមានការសប្បាយចិត្តយ៉ាងខ្លាំង ដែលបានមើលឃើញមនុស្សជាច្រើនមកស្វាគមន៍ហើយហៅខ្ញុំថា លោកអ៊ំ។ អ្នកដឹងទេថា ខ្ញុំឈឺចាប់។ ប៉ុន្តែសុខចិត្តឈឺចាប់ ខ្ញុំត្រឡប់ទៅផ្ទះវិញ ខ្ញុំនឹងចូលដេក ហើយពិចារណាថាតើហេតុអ្វី បានជា មនុស្សទាំងអស់នោះផ្ញើក្តីសង្ឃឹមលើយើង? គឺ ដោយសារពួកគេនៅមានសង្ឃឹម ដូច្នេះហើយយើងត្រូវតែបំពេញក្តីសង្ឃឹមឲ្យពួកគេ។ ប៉ុន្តែពួកយើង មិនត្រូវបោកប្រាស់ពួកគេនោះទេ»។
នៅថ្ងៃទី ៣ ខែមករា លោកឧត្តមសេនីយ៍ ប្រាយុធ បានប្រកាសជាលើកដំបូង ចាប់តាំងពីលោកឡើងដណ្តើមកាន់តំណែងនៅឆ្នាំ ២០១៤ នោះថា លោកគឺជាអ្នកនយោបាយម្នាក់៕