.jpg)
លោក ប្រាយុធ ថ្លែងទៅកាន់ក្រុមអ្នកសារព័ត៌មានក្រោយជំនួបគណៈរដ្ឋមន្ត្រី។ BKP
ក្រុងបាងកកៈ ក្រោយពីមានការធានាឲ្យលោកឧត្តមសេនីយ៍ ប្រាយុធ ចានអូចា ធ្វើជាបេក្ខជននាយករដ្ឋមន្ត្រីរបស់ខ្លួននោះគណបក្សផាឡាំងប្រាឆារ៉ាត់ (PPRP) កំពុងប្រឈមមុខនឹងថា តើត្រូវដោះស្រាយដោយរបៀបណាចំពោះនាយករដ្ឋមន្ត្រីដែលកំពុងកាន់តំណែងនេះ ដើម្បីធ្វើយ៉ាងណាឲ្យយុទ្ធនាការឃោសនាបោះឆ្នោតប្រព្រឹត្តទៅត្រឹមត្រូវតាមច្បាប់នោះ។
ឧត្តមសេនីយ៍ ប្រាយុធ នៅតែត្រូវបានគេរារាំងមិនឲ្យជាប់ពាក់ព័ន្ធនៅក្នុងការឈរឈ្មោះបោះឆ្នោតរបស់បក្ស ខណៈដែលលោកបន្តបម្រើការងារជាប្រមុខរដ្ឋាភិបាលនោះ។
កាលពីសប្តាហ៍មុន គណៈរដ្ឋមន្ត្រីបានអនុម័តបទបញ្ជាជាផ្លូវការដើម្បីគ្រប់គ្រងអាកប្បកិរិយារបស់លោកនាយករដ្ឋមន្ត្រី ប្រាយុធ ចាន់អូចា នៅអំឡុងពេលយុទ្ធនាការរកសំឡេងឆ្នោតដើម្បីចៀសវាងកុំឲ្យមានជម្លោះផលប្រយោជន៍។
ឧត្តមសេនីយ៍ ប្រាយុធ ចាន់អូចា កាលពីពេលកន្លងទៅត្រូវបានគេអំពាវនាវឲ្យលោកលាលែងតំណែងពីនាយករដ្ឋមន្ត្រីក្រោយពីលោកបានឯកភាពទទួលយកការតែងតាំងជាបេក្ខជននាយករដ្ឋមន្ត្រី។
លោកបានបង្ហាញយ៉ាងច្បាស់លាស់អំពីចេតនារបស់លោកដែលចង់បន្តធ្វើការងារដើម្បីរៀបចំកិច្ចការរបស់ប្រទេសនេះឲ្យស្ថិតនៅក្រោមប្រព័ន្ធប្រជាធិបតេយ្យមួយ។
មេដឹកនាំបក្សផាឡាំងប្រាឆារ៉ាត់លោក Uttama Savanayana បានថ្លែងកាលពីថ្ងៃអង្គារថា៖ «គណបក្សនេះនៅតែធ្វើការពិភាក្សា និងសិក្សាទាក់ទងនឹងច្បាប់នានាដើម្បីពិនិត្យមើលថា តើត្រូវកំណត់ទំហំលោកឧត្តមសេនីយ៍ ប្រាយុធ នឹងមានលទ្ធភាពត្រូវជាប់ពាក់ព័ន្ធនៅក្នុងយុទ្ធនាការឃោសនារកសំឡេងរបស់បក្សបានកម្រិតណានោះ»។
លោកបានថ្លែងថា៖ «យើងត្រូវតែសិក្សាច្បាប់នានាឲ្យបានច្បាស់ដើម្បីចៀសវាងការរិះគន់ថាគណបក្សនេះកំពុងកេងចំណេញផលប្រយោជន៍ពីគណបក្សនយោបាយដទៃ ហើយយើងចង់ឲ្យលោក ប្រាយុធ ចូលរួមកិច្ចការរបស់បក្ស៕ BKP/SK
