ក្រុងវ៉ាស៊ីនតោនៈ ក្រសួងការបរទេស បានឲ្យដឹងកាលពីថ្ងៃសុក្រថា ប្រេសិតពិសេសអាមេរិកប្រចាំនៅកូរ៉េខាងជើងលោក Stephen Biegun នឹងបំពេញទស្សនកិច្ចប្រទេស កូរ៉េខាងត្បូង និងជប៉ុន នៅសប្តាហ៍ក្រោយ ដើម្បីពង្រឹងកិច្ចសហប្រតិបត្តិការលើកិច្ចប្រឹងប្រែងដើម្បីធ្វើឲ្យប្រទេស កូរ៉េខាងជើង គ្មានអាវុធនុយក្លេអ៊ែរ។
នៅក្នុងសេចក្តីចេញផ្សាយព័ត៌មានមួយក្រសួងការបរទេសបាននិយាយថា លោក Biegun គ្រោងបំពេញទស្សនកិច្ចក្រុងសេអ៊ូលពីថ្ងៃអង្គារដល់ថ្ងៃព្រហស្បតិ៍ក្រោយពីធ្វើទស្សនកិច្ចនៅប្រទេស ជប៉ុន រយៈពេលពីរថ្ងៃ។
ថ្ងៃអង្គារគឺជាថ្ងៃនៃការបញ្ចប់នៃការធ្វើសមយុទ្ធយោធារួមរវាងកូរ៉េខាងត្បូង និងអាមេរិក ដោយបានបង្កើតឱកាសសម្រាប់លោក Biegun ដើម្បីបន្តការចរចាអំពីការលុបបំបាត់អាវុធនុយក្លេអ៊ែរជាមួយប្រទេស កូរ៉េខាងជើង។
ក្រសួងការបរទេសបានថ្លែងថា លោក Biegun នឹងជួបជាមួយក្រុងមន្ត្រីនៃប្រទេសទាំងពីរ ដើម្បីពង្រឹងកិច្ចសហប្រតិបត្តិការទៅលើការលុបបំបាត់អាវុធរបស់កូរ៉េខាងជើងទាំងស្រុង និងអាចផ្ទៀងផ្ទាត់បាន៕ Yonhap/PSA