ក្រុងវ៉ាស៊ីនតោន៖ ប្រសិតពិសេសអាមេរិកប្រចាំនៅកូរ៉េខាងជើងស្ទេបហែន ប៊ីហ្គាន់ បានថ្លែងកាលពីថ្ងៃពុធថាលោក មិនបានឃើញភ័ស្តុតាងជាក់ស្តែងដែលថា កូរ៉េខាងជើងមានផែនការលុបបំបាត់កម្មវិធីនុយក្លេអ៊ែរទេ ប៉ុន្តែជឿថា ក្រុងព្យុងយ៉ាងនៅតែអាចធ្វើការជ្រើសរើសលុបបំបាត់។
លោក ប៊ីហ្គាន់ បានធ្វើការអធិប្បាយនៅមុខគណៈកម្មាធិការសភានៅក្នុងអំឡុងពេលបញ្ជាក់អំពីការតែងតាំងលោកជាអនុរដ្ឋមន្ត្រីការបរទេស។
លោកបានថ្លែងថា ជំនឿនោះមានការចូលរួមពីលោកប្រធានាធិបតី ដូណាល់ ត្រាំ ដែលនៅតែមានទស្សនៈថា មេដឹកនាំកូរ៉េខាងជើងលោក គីម ជុងអ៊ុន អាចធ្វើការសម្រេចដើម្បីធ្វើឲ្យរីកចម្រើនទៅមុខ។
លោក ប៊ីហ្គាន់ បានថ្លែងថា៖ «នៅទីបញ្ចប់មានតែប្រជាជនកូរ៉េខាងជើងទេ ដែលត្រូវធ្វើការជ្រើសរើសដោយបានបញ្ជាក់ថា «ឱកាសនៅតែបើកចំហ ដើម្បីឲ្យមានដំណោះស្រាយការទូតចំពោះបញ្ហានុយក្លេអ៊ែរដែលកំពុងជាប់គាំងនេះ»។
លោកបានថ្លែងបន្ថែមថា៖ «យើងមិនមានភ័ស្តុតាងអាចផ្ទៀងផ្ទាត់ ឬមានអត្ថន័យណាមួយ ដែលពួកគេបានធ្វើការជ្រើសរើសនៅឡើយទេ។ ការប៉ាន់ស្មានរបស់យើង គឺថាពួកគេអាចធ្វើការជ្រើសរើស ដោយអំពាវនាវឲ្យប្រជាជនកូរ៉េខាងជើងចាប់យកឱកាសនេះ»។
ការចរចាអំពីការលុបបំបាត់កម្មវិធីអាវុធនុយក្លេអ៊ែររវាងក្រុងវ៉ាស៊ីនតោន និងក្រុងព្យុងយ៉ាង បានជាប់គាំងចាប់តាំងពីជំនួបលើកទី ២ រវាងលោក ដូណាល់ ត្រាំ និង គីម ជុងអ៊ុន កាលពីខែកុម្ភៈ បានបញ្ចប់ដោយគ្មានកិច្ចព្រមព្រៀងអ្វីមួយឡើយ។
ភាគីទាំង ២ នៅតែជាផ្នែកក្នុងការសម្រេចថា តើកូរ៉េខាងជើងគួរលុបបំបាត់កម្មវិធីចំនួនប៉ុន្មាន ដើម្បីទទួលបានការកាត់បន្ថយទណ្ឌកម្ម និងសម្បទានពី US៕ Yonhap/PSA