.jpg)
សិស្សសាលាយេម៉ែនជួបជុំនៅខាងក្រៅស្នាក់ការ UN ដោយអំពាវនាវឲ្យបញ្ចប់សង្គ្រាមនៅយេម៉ែន។ AFP
បុរីញូវយ៉ក៖ ប្រេសិតពិសេសអង្គការសហប្រជាជាតិលោក ម៉ារទីន ហ្គីហ្វហ្វីធស៍ បានថ្លែងកាលពីថ្ងៃសុក្រថា ការវាយប្រហារផ្លូវអាកាសនៅក្នុងប្រទេស យេម៉ែន បានថយចុះយ៉ាងខ្លាំង ដោយបានចង្អុលបង្ហាញដល់និន្នាការនោះថា ជាលទ្ធភាពចាប់ផ្តើមឈានទៅរកបទឈប់បាញ់ទូទៅមួយនៅក្នុងប្រទេសនេះ។
លោក ហ្គីហ្វហ្វីធស៍ បានថ្លែងថា អត្រានៃការវាយប្រហារផ្លូវអាកាសបានថយចុះត្រឹម ៨០ ភាគរយ នៅក្នុងរយៈពេលនោះដែលលោកបានថ្លែងថា ជាសញ្ញាដ៏មានសារៈសំខាន់ណាស់ដែលរឿងមួយកំពុងផ្លាស់ប្តូរនៅក្នុងប្រទេស យេម៉ែន។
លោកបានថ្លែងទៅកាន់ទីស្នាក់ការអង្គការសហប្រជាជាតិតាមរយៈការភ្ជាប់វីដេអូថា៖ «ក្នុងរយៈពេលប៉ុន្មានសប្តាហ៍ថ្មីៗនេះ មានរយៈពេល ៤៨ ម៉ោងពេញគ្មានការវាយប្រហារផ្លូវអាកាសជាលើកដំបូង ចាប់តាំងពីជម្លោះនេះបានចាប់ផ្តើម»។
លោកបានថ្លែងថា៖ «យើងបានហៅការថយចុះនេះ ថាជាការកាត់បន្ថយកម្រិតនៃសង្គ្រាម និងប្រហែលជាវិធានការមួយឈានទៅរកបទឈប់បាញ់ទូទៅមួយ នៅក្នុងប្រទេស យេម៉ែន នេះ»។
នៅក្នុងក្រុងរីយ៉ាដ រដ្ឋាភិបាលយេម៉ែន និងក្រុមអ្នកបំបែកខ្លួនបានព្រមព្រៀងគ្នា ដើម្បីបញ្ចប់ជម្លោះនៅក្នុងផ្នែកនៃប្រទេសភាគខាងត្បូង។
កាលពីថ្ងៃពុធ ស្តេច សាលម៉ាន នៃប្រទេស អារ៉ាប៊ី សាអ៊ូឌីត បានថ្លែងថា កិច្ចព្រមព្រៀងនោះអាចនាំឲ្យឈានដល់កិច្ចការចរចាសន្តិភាពទូលំទូលាយ ដែលមានបំណងបញ្ចប់ជម្លោះនៅយេម៉ែន៕ AFP/PSA
