ក្រុងវីយោដឺហ្សេនេរ៉ូ៖ ក្រុមអ្នកស្រាវជ្រាវនៅប្រទេសប្រេស៊ីល ដែលរងប៉ះពាល់យ៉ាងធ្ងន់ធ្ងរកាលពីថ្ងៃពុធ បាននិយាយថា ពួកគេនឹងចាប់ផ្តើមធ្វើវ៉ាក់សាំងការពារវីរុសកូរ៉ូណា ដែលផលិតនៅចក្រភពអង់គ្លេស ខណៈប្រទេសអឺរ៉ុបជាច្រើននៅមហាសមុទ្រអាត្លង់ទិកបានចាប់ផ្តើមបើកព្រំដែនឡើងវិញ ជាកិច្ចខិតខំប្រឹងប្រែង ដើម្បីងើបចេញពីការបំផ្លិចបំផ្លាញដែលបណ្តាលមកពីវីរុសនេះ។
អាជ្ញាធរនៅប្រទេសប្រេស៊ីល ជាទីដែលជំងឺរាតត្បាតកើតឡើងថ្មីៗនេះ ដោយមានចំនួនអ្នកស្លាប់ និងឆ្លងកំពុងកើនឡើងនោះបានដាក់ការរឹតបន្តឹងថ្មីនៅភាគឦសាននៃប្រទេសនេះ ក្រោយពីមានការរាយការណ៍អំពីចំនួនករណីឆ្លងកើនឡើងខ្ពស់ខ្លាំង។
លោកប្រធានអង្គការសុខភាពពិភពលោក (WHO) តេដ្រូស អាដហណូមហ្គឺប្រីយេស៊ុស បានថ្លែងនៅក្នុងសន្និសីទក្រុងហ្សឺណែវថា៖ «អាមេរិកឡាទីន បន្តរាប់ចំនួនករណីឆ្លងច្រើនបំផុត»។
អង្គការនេះក៏បានថ្លែងថា ខ្លួននឹងបន្តពិសោធថ្នាំ Hydroxychloroquine នេះមួយសប្តាហ៍ ក្រោយពីការផ្អាកបន្ទាប់ពីការសិក្សា ១ ដែលចុះផ្សាយនៅក្នុងទស្សនាវដ្តីពេទ្យ The Lancet ដែលបញ្ជាក់ថា ថ្នាំនេះ អាចបង្កគ្រោះថ្នាក់ដល់អ្នកជំងឺកូវីដ ១៩៕ AFP/PSA