.jpg)
កាលពីថ្ងៃអាទិត្យ ទី ១៧ និយតករឱសថប្រទេសប្រេស៊ីល បានអនុញ្ញាតឱ្យប្រើប្រាស់វ៉ាក់សាំងជំងឺកូវីដ ១៩ ក្នុងគ្រាអាសន្នចំនួន ២ ដោយ ១ ផលិតដោយក្រុមហ៊ុនអង់គ្លេស AstraZeneca សាកលវិទ្យាល័យ Oxford និង ១ ទៀតផលិតដោយក្រុមហ៊ុនចិន Sinovac Biotech។
បច្ចុប្បន្នប្រេស៊ីលមានស្តុកទុកវ៉ាក់សាំង CoronaVac របស់ Sinovac ចំនួន ៦ លានដូស ដែលអាចចែកចាយនៅប៉ុន្មានថ្ងៃខាងមុខនេះ ហើយកំពុងរង់ចាំទទួលការដឹកជញ្ជូនវ៉ាក់សាំង AstraZeneca ចំនួន ២ លានដូស។
កាលពីយប់ថ្ងៃសៅរ៍ ភ្នាក់ងារនិយតករ Anvisa បានបដិសេធពាក្យស្នើសុំការអនុញ្ញាតប្រើប្រាស់វ៉ាក់សាំងរុស្ស៊ី Sputnik V ដោយក្រុមហ៊ុនប្រេស៊ីល UniãoQuímica។ Anvisa បាននិយាយថា ខ្លួនមិនបានវាយតម្លៃការស្នើសុំនេះ ដោយសារការស្នើសុំមិនបានបំពេញតាមតម្រូវការអប្បបរមា ដើម្បីចាប់ផ្ដើមធ្វើការវិភាគ។ ការចាក់វ៉ាក់សាំងនឹងចាប់ផ្ដើមនៅថ្ងៃពុធ ទី ២០ ខែមករា ដោយផ្ដល់អាទិភាពដល់បុគ្គលិកសុខាភិបាល ដែលនៅជួរមុខក្នុងការប្រយុទ្ធប្រឆាំងជំងឺកូវីដ ១៩។
ប្រេស៊ីលជាប្រទេសដែលមានចំនួនអ្នកឆ្លងខ្ពស់បំផុតទី ២ លើពិភពលោកដោយសរុបមានការស្លាប់ទាក់ទងនឹងកូវីដ ១៩ ប្រមាណ ២០៩ ០០០ នាក់។ ប្រទេសនេះក៏មានចំនួនឆ្លងខ្ពស់បំផុតទី ៣ លើពិភពលោកផងដែរ ដោយមានករណីឆ្លងប្រមាណ ៨,២ លាននាក់ តាំងពីការចាប់ផ្ដើមការរាតត្បាតជំងឺមក៕
