The Phnom Penh Post Search

Search form




Logo of Phnom Penh Post newspaper Phnom Penh Post - ផែនការ​កែប្រែ​ធម្មនុញ្ញ​របស់​នាយករដ្ឋមន្ត្រី​អាបេ​បង្ក​ក្តី​កង្វល់​សិទ្ធិ​ស៊ីវិល

ផែនការ​កែប្រែ​ធម្មនុញ្ញ​របស់​នាយករដ្ឋមន្ត្រី​អាបេ​បង្ក​ក្តី​កង្វល់​សិទ្ធិ​ស៊ីវិល

ផែនការ​កែប្រែ​ធម្មនុញ្ញ​របស់​នាយករដ្ឋមន្ត្រី​អាបេ​បង្ក​ក្តី​កង្វល់​សិទ្ធិ​ស៊ីវិល

Content image - Phnom Penh Post

ក្រុងតូក្យូៈ លោក​ស៊ីនហ្សូ អាបេ​មិន​បាន​លាក់​បាំង​ពី​ចេតនា​កែប្រែ​រដ្ឋធម្មនុញ្ញ​របស់​ជប៉ុន ដែល​ត្រូវ​បាន​ព្រាង​ដោយ​អាមេរិក​បន្ទាប់ពី​សង្គ្រាម​លោក​លើក​ទី​ពីរ​ឡើង​វិញ​ទេ ដើម្បី​ផ្តល់​សិទ្ធិ​ឲ្យ​ប្រទេស​នេះ មាន​យោធា​ដូច​ធម្មតា​វិញ ប៉ុន្តែ​ក្រុម​អ្នក​រិះគន់​និយាយ​ថា ផែនការ​ទៅ​កាន់​តែ​ជ្រៅ​របស់​លោក នឹង​អាច​ធ្វើ​ឲ្យ​ជប៉ុន​វិល​ទៅ​រក​អតីតកាល​ផ្តាច់ការ​និង​អភិរក្ស​ខាង​សង្គម​វិញ។

លោក​អាបេ​វ័យ​៥៨​ឆ្នាំ​បាន​វិល​មក​កាន់​អំណាច​កាលពី​ខែ​ធ្នូ​សម្រាប់​អាណត្តិ​ទី​ពីរ​ជា​នាយករដ្ឋមន្ត្រី និង​កំពុង​រីករាយ​នឹង​ការ​គាំទ្រ​កប់ពពក​លើ​មូលដ្ឋាន​រូបមន្ត​«សេដ្ឋកិច្ច​អាបេ»​របស់​លោក​ដើម្បី​ស្តារ​សេដ្ឋកិច្ច​ឡើង​វិញ​តាមរយៈ​គោលនយោបាយ​រូបិយប័ណ្ណ​ងាយ​ហួស​ការ​ចំណាយ​ធំ និង​កំណែ​ទម្រង់​រចនាសម្ព័ន្ធ​។

130503_17a
នាយករដ្ឋមន្ត្រីជប៉ុន លោកស៊ីនហ្សូ អាបេ គ្រវីដៃស្វាគមន៍អ្នកគាំទ្រខណៈលោកឡើងយន្តហោះទៅរុស្ស៊ី កាលពីថ្ងៃទី ២៨ មេសា AFP

ពេល​នេះ​លោក​កំពុង​ព្យាយាម​កាត់​បន្ថយ​ឧបសគ្គ សម្រាប់​ការ​កែប្រែ​រដ្ឋធម្មនុញ្ញ​ជា​ការ​ចាប់​ផ្តើម​ចំពោះ​ការ​កែប្រែ​ជា​ប្រវត្តិសាស្ត្រ​មួយ​លើ​មាត្រា​ទី​៩​សន្តិភាព​និយម​របស់​ខ្លួន​ដែល​ធ្លាប់​តែ​ហាមប្រាម​យ៉ាង​តឹងរ៉ឹង​មិន​ឲ្យ​មាន​យោធា​ណា​មួយ​ទេ។ នោះ នឹង​ក្លាយ​ជា​ការ​ផ្លាស់ប្តូរ​ជា​និមិត្តរូប​មួយ ដោយ​បន្ធូរ​ការ កម្រិត​ព្រំដែន​លើ​សកម្មភាព​ក្រៅ​ប្រទេស​របស់​យោធា ប៉ុន្តែ​នឹង​កំណត់​ព្រំដែន​ឥទ្ធិពល​លើ​វិស័យ​ការពារ​ជាតិ​ទៅ​ជា​ឃ្លា​ដែល​ត្រូវ​បាន​ពន្លាត​រួច​ហើយ​ដើម្បី​អនុញ្ញាត​ឲ្យ​រដ្ឋាភិបាល​ក្រុង​តូក្យូ​កសាង​កម្លាំង​ប្រដាប់​អាវុធ​ដែល​ពេល​នេះ​ធំ​ជាង​កម្លាំង​របស់​ចក្រភព​អង់គ្លេស​។

ក្រុម​សកម្មជន និង​អ្នក​ប្រាជ្ញ​និយាយ​ថា ទោះ​បី​ជា​យ៉ាង​ណា​ការ​កែប្រែ​ទាំង​ស្រុង​ដែល​បក្ស​ប្រជាធិបតេយ្យ​សេរី​(LDP)​របស់​លោក​អាបេ​បាន​ស្នើ​ឡើង​នៅក្នុង​សេចក្តី​ព្រាង​រដ្ឋធម្មនុញ្ញ​មួយ នឹង​វាយ​ប្រហារ​ចំ​បេះដូង​នៃ​ធម្មនុញ្ញ​ជាមួយ​ការ​រំលោភ​លើ​សិទ្ធិ​ស៊ីវិល​ជា​មូលដ្ឋាន​ដែល​អាច​បិទ​មាត់​ប្រព័ន្ធ​ផ្សព្វផ្សាយ ធ្វើ​ឲ្យ​អន្តរាយ​ដល់​សមភាព​យេនឌ័រ និង​បើក​ទ្វារ​ចំហ​ជា​ទូទៅ​ដល់​រដ្ឋ​ផ្តាច់ការ​។

លោក​រីយ៉ូ ម៉ូតូអូ ប្រមុខ​ចាស់ទុំ​សមាគម​មាត្រា​៨​របស់​ស្ត្រី​ជា​ក្រុម​ការពារ​រដ្ឋធម្មនុញ្ញ​បាន​និយាយ​ថា​៖​«​អ្វី​ដែល​ខ្ញុំ​ឃើញ​ថា​ចម្លែក​គឺ​ថ្វី​បើ​លោក​នាយករដ្ឋមន្ត្រី​មិន​ទាន់​ចាស់​ដូច្នោះ​ក្តី​ក៏​លោក​កំពុង​ព្យាយាម​កែប្រែ​ឲ្យ​បាន​កាន់​តែ​ច្រើន​នូវ​សករាជជីតា​របស់​លោក​»។

លោក បាន​ថ្លែង​ថា​៖​«​ខ្ញុំ​ខ្លាច​តែ​រឿង​នេះ​អាច​នាំ​ទៅ​រក​សង្គម​មួយ​ពោរពេញ​ដោយ​ការ​កម្រិត​ព្រំដែន​សង្គម​មួយ​ដែល​មិន​ទទួល​ស្គាល់​ភាព​ផ្សេង​គ្នា​នៃ​គំនិត​និង​កម្រិត​សិទ្ធិ​សេរីភាព​នៃ​ការ​បញ្ចេញ​មតិ​ដូច​ពី​អតីតកាល​»​។

រីករាយ​ជាមួយ​ប្រជាប្រិយ​ខ្ពស់​ពី​ការ​ស្ទង់មតិ និង​ត្រូវ​បាន​លើក​ស្ទួយ​ដោយ​ប្រាក់​ចំណេញ​ពី​ទីផ្សារ​ហ៊ុន​ដ៏​ធំ​លោក​អាបេ​កាន់​តែ​និយាយ​ឥត​សំចៃ​អំពី​របៀប​វារៈអភិរក្ស​របស់​លោក​ក្នុង​នោះ​មាន​ទាំង​ការ​កែប្រែ​រដ្ឋធម្មនុញ្ញ និង​មិន​សុំ​ទោស​អំពី​រឿង​អតីតកាល​សង្គ្រាម​របស់​ជប៉ុន​ដែល​ប៉ះពាល់​ដល់​ចិន និង​កូរ៉េ​ខាងត្បូង​។

ក្រុម​អ្នក​រិះគន់​មើល​ឃើញ​ផែនការ​របស់​លោក​អាបេ​ដើម្បី​សម្រួល​តម្រូវការ​សម្រាប់​ការ​កែប្រែ​រដ្ឋធម្មនុញ្ញ និង​បន្ទាប់​មក​ព្យាយាម​កែប្រែ​មាត្រា​ទី៩​ថា​ជា​យុទ្ធសាស្ត្រ​លាក់លៀម​ដែល​លាក់​បំណង​កាន់​តែ​ជ្រៅ​របស់​លោក​នៅ​ក្រៅ​កែវ​ភ្នែក​សាធារណៈ៕ CC

អត្ថបទគួរចាប់អារម្មណ៍