.jpg)
បាតុករ ១ ក្រុមតូចនាំគ្នាតវ៉ានៅពីមុខវិមាន Victory Column នៅទីក្រុងប៊ែរឡាំង។ AFP
ក្រុងបេរូតៈ ក្រុមបាតុកររាប់សិបនាក់បានរៀបចំធ្វើឡើងនៅទូទាំងប្រទេសអាល្លឺម៉ង់កាលពីថ្ងៃសៅរ៍ ថាជាផ្នែកនៃចលនាតវ៉ាមួយប្រឆាំងវិធានការបិទប្រទេស ដោយសារឆ្លងរាលដាលវីរុសផ្លូវដង្ហើមកូរ៉ូណាដែលកំពុងជំរុញឲ្យមានកម្លាំងចលនានៅក្នុងប្រទេសនេះ។
ការប្រមូលផ្តុំនោះត្រូវបានរៀបចំធ្វើឡើងជារៀងរាល់សប្តាហ៍ ចាប់តាំងពីបានចាប់ផ្តើមកាលពីខែមេសាដោយបានបង្កឲ្យមានការជួបជុំគ្នាកាន់តែច្រើនឡើងនៅក្នុងរយៈពេលប៉ុន្មានសប្តាហ៍ថ្មីៗនេះ ដែលមនុស្សរាប់ពាន់នាក់បានប្រមូលផ្តុំគ្នានៅក្នុងទីក្រុងធំជាច្រើននៅអាល្លឺម៉ង់។
ចលនានោះត្រូវបានគេមើលឃើញថា ការរឹតត្បិតរបស់រដ្ឋាភិបាល ដើម្បីទប់ស្កាត់ការឆ្លងរាលដាលនៃវីរុសផ្លូវដង្ហើមកូរ៉ូណាថាជាការចាប់ផ្តើមរបស់របបផ្តាច់ការនិយមមួយ ឬជាការវាយប្រហារខុសច្បាប់មួយទៅលើសេរីភាពបុគ្គល។
អ្នកនាំពាក្យប៉ូលិសបានថ្លែងប្រាប់ AFP ថា ការប្រមូលផ្តុំជិត ៣០ កន្លែង ត្រូវបានធ្វើឡើងនៅក្នុងទីក្រុងប៊ែរឡាំង និងការធ្វើបាតុកម្មប្រឆាំងជាមួយរដ្ឋាភិបាល។
ការតវ៉ានានាត្រូវបានរៀបចំធ្វើឡើងនៅទូទាំងប្រទេសអាល្លឺម៉ង់នៅក្នុងនោះមាននៅក្នុងទីក្រុងនូរីមប៊ឺហ្គម៉ូនិក និងទីក្រុងស្តាតត៍ហ្គាត ទោះបីជាមិនមានអ្នកចូលរួមច្រើននៅក្នុងប៉ុន្មានសប្តាហ៍ថ្មីៗនេះក្តី ជាពិសេសគ្រោងធ្វើឡើងនៅក្នុងអាកាសធាតុដ៏អាក្រក់។
យោងតាមអ្នកនាំពាក្យប៉ូលិសបានឲ្យដឹងថា នៅទីក្រុងហាមប៊ឺហ្គ មនុស្ស ៧៥០ នាក់ធ្វើបាតុកម្ម៕ SK
