ក្រុងបាងកក៖ ក្រុមពលករចំណាកស្រុកនៅក្នុងព្រះរាជាណាចក្រថៃ បានរងការវាយប្រហារយ៉ាងខ្លាំង ដោយសារផលប៉ះពាល់សេដ្ឋកិច្ចបណ្តាលមកពីជំងឺកូវីដ ១៩។
ការឆ្លងរាលដាលនៃវីរុសផ្លូវដង្ហើមកូរ៉ូណាប្រភេទថ្មីដ៏ចម្លែកនេះ បានធ្វើឲ្យបះពាល់ដល់អាយុជីវិតមនុស្សរាប់លាននាក់ នៅជុំវិញពិភពលោក។
ចំនួនអ្នកស្លាប់លើសកលលោក បានកើនឡើងជាង ៣៤៨ ០០០ នាក់ ហើយមនុស្សជាង ៥,៦ លាននាក់ផ្សេងទៀតបានឆ្លងវីរុសនេះ។
ក្រុមអ្នកទាំងអស់នោះ មិនមែនរងផលប៉ះពាល់ដោយផ្ទាល់ ដោយសារវីរុសផ្លូវដង្ហើមកូរ៉ូណាទេ គឺពួកគេបានដាក់ខ្លួនឯងឲ្យនៅដាច់ដោយឡែកពីគេ ហើយវាបានប៉ះពាល់ដល់សេដ្ឋកិច្ចសកល។ នៅពេលលទ្ធផលអាជីវកម្មមួយបានបិទ ដោយសារការផ្ទុះជំងឺកូវីដ ១៩ នោះ មនុស្សជាច្រើនលាននាក់ អាចបាត់បង់ការងាររបស់ពួកគេ។
នៅក្នុងព្រះរាជាណាចក្រថៃវិញ រដ្ឋាភិបាលបានកត់ត្រាករណីឆ្លងចំនួន ៣ ០៤៥ នាក់ និង ៥៧ នាក់ផ្សេងទៀត បានស្លាប់ ទោះបីជាយ៉ាងណាក៏ដោយ ក៏មានមនុស្សជាច្រើនទៀត បានរងផលប៉ះពាល់ ដោយសារផលប៉ះពាល់សេដ្ឋកិច្ចបណ្តាលពីជំងឺកូវីដ ១៩។
យោងតាមក្រសួងការងារបានឲ្យដឹងថា គឺមានពលករចំណាកស្រុក ៣ លាននាក់ កំពុងធ្វើការនៅក្នុងព្រះរាជាណាចក្រថៃ ដោយភាគច្រើនពួកគេមកពីប្រទេសមីយ៉ាន់ម៉ា ឡាវ និងព្រះរាជាណាចក្រកម្ពុជា។ ពួកគេមិនមានសិទ្ធិទទួលបានកញ្ចប់ជំនួយសង្គ្រោះពីរដ្ឋាភិបាលថៃទេ។
នៅក្នុងខេត្តប៉ាតានី វិញ អ្នកស្រី វី មានវ័យ ៤០ ឆ្នាំបានប្រាប់កាសែតបាងកកប៉ុស្តិ៍ថា អ្នកស្រីបានធ្វើការនៅឯរោងចក្រសារឌីន ១ កន្លែង នៅមុនជំងឺកូវីដ ១៩ បានប៉ះពាល់ដល់ជីវភាពរស់នៅរបស់អ្នកស្រីទៅទៀត។
ស្ត្រីម្នាក់នោះដែលបានមកពីព្រះរាជាណាចក្រកម្ពុជាបាននិយាយថា ប្តី កូនស្រី និងប្អូនស្រី ២ នាក់របស់អ្នកស្រី ក៏បានស្ថិតនៅក្នុងព្រះរាជាណាចក្រថៃដែរ ហើយពួកគេបានបាត់បង់ការងារធ្វើ។
អ្នកស្រីបាននិយាយថា អ្នកស្រីមិនបានទទួលជំនួយជាលុយកាក់ខ្លះទេ ហើយគ្រួសាររបស់អ្នកស្រីមិនអាចវិលត្រឡប់ទៅស្រុកកំណើតវិញ ដោយសារបិទព្រំដែន។
អ្នកស្រី វី បាននិយាយថា អ្នកស្រីបានរស់នៅដោយក្តីអស់សង្ឃឹមទាំងស្រុង ជាមួយប្តីរបស់អ្នកស្រី និងប្អូនស្រី ២ នាក់ទៀតនៅទីនេះ នៅក្នុងព្រះរាជាណាចក្រថៃ មុនជំងឺកូវីដ ១៩ បង្កបញ្ហានៅទូទាំងពិភពលោកទៅទៀត។
អ្នកស្រី និងប្តីបានធ្វើការនៅរោងចក្រសារឌីននៅក្នុងខេត្តប៉ាតានីនៃប្រទេសថៃ នេះរយៈពេល ៤ ឆ្នាំហើយ៕ BKP/SK