.jpg)
ក្រុមអ្នកកាន់ទុក្ខប៉ាឡេស្ទីន សែនសាកសពរបស់Mumin Abu Ayeda ដែលត្រូវគេបានបាញ់សម្លាប់។ AFP
ក្រុងហ្ស៊េរុយសាឡិមៈ មន្ត្រីអុីស្រាអែល និងប៉ាឡេស្ទីន បានឲ្យដឹងថា ពលរដ្ឋប៉ាឡេស្ទីនម្នាក់ ត្រូវបានបាញ់សម្លាប់ដោយប៉ូលិសនៅខាងក្រៅទីក្រុងហ្ស៊េរុយសាឡិមចាស់ កាលពីថ្ងៃអង្គារ បន្ទាប់ពីគេត្រូវបានចោទប្រកាន់ថាបានប៉ុនប៉ងវាយប្រហារដោយការចាក់នឹងកំបិត។
ប៉ូលិសអ៊ីស្រាអែល បានរាយការណ៍ថា៖« ការប៉ុនប៉ងវាយប្រហារដោយការចាក់នឹងកំបិត»នេះ បានកើតឡើង នៅជិតច្រកទ្វារក្រុងដាម៉ាស ហើយប៉ូលីសនៅកន្លែងកើតហេតុ បានរារាំងជនសង្ស័យ»។
ក្រសួងសុខាភិបាលប៉ាឡេស្ទីន បាននិយាយថា ខ្លួនត្រូវបានគេជូនដំណឹងអំពីការស្លាប់របស់ជនស៊ីវិលម្នាក់ដោយការបាញ់នឹងកាំភ្លើង។
ការប៉ុនប៉ងវាយប្រហារនេះ បានកើតឡើងនៅចំពេលថ្ងៃឈប់សម្រាក Yom Kippur ដ៏ពិសិដ្ឋដែលជាថ្ងៃបុណ្យធំបំផុតនៅក្នុងប្រតិទិនជនជាតិជ្វីហ្វ ដែលវាត្រូវបានចាប់ផ្តើមដោយមានជនជាតិជ្វីហ្វរាប់ពាន់នាក់នាំគ្នាចូលរួម អធិស្ឋាននៅក្នុងទីក្រុងចាស់នេះ៕ NS
