The Phnom Penh Post Search

Search form




Logo of Phnom Penh Post newspaper Phnom Penh Post - ពលរដ្ឋ​ម៉ាឡេស៊ី​បោះឆ្នោត​ជ្រើសរើស មេ​ដឹកនាំ​ក្នុង​ការ​ប្រកួត​ប្រជែង​ដ៏​តឹងតែង​

ពលរដ្ឋ​ម៉ាឡេស៊ី​បោះឆ្នោត​ជ្រើសរើស មេ​ដឹកនាំ​ក្នុង​ការ​ប្រកួត​ប្រជែង​ដ៏​តឹងតែង​

ពលរដ្ឋ​ម៉ាឡេស៊ី​បោះឆ្នោត​ជ្រើសរើស មេ​ដឹកនាំ​ក្នុង​ការ​ប្រកួត​ប្រជែង​ដ៏​តឹងតែង​

130506_17a
មេដឹកនាំប្រឆាំង លោកអាន់វ៉ារ អ៊ីប្រាហ៊ីម អមដោយភរិយា វ៉ាន់អាហ្ស៊ីហ្សះ ចូលបោះឆ្នោតនៅស្ថានីយមួយ ក្នុងក្រុងប៉េណាំង AFP

ក្រុងភើម៉ាតាងប៉ុះ: ពលរដ្ឋ​ម៉ាឡេស៊ី​បាន​បោះឆ្នោត​កាលពី​ថ្ងៃ​អាទិត្យ​ដោយ​រដ្ឋាភិបាល​កាន់​អំណាច​យូរ​បំផុត​មួយ​នៅក្នុង​ពិភពលោក​ព្យាយាម​ទប់ស្កាត់​បរាជ័យ​ដំបូង​មិន​ធ្លាប់​មាន​ប្រឆាំង​នឹង​គណបក្ស​ប្រឆាំង​ដែល​កំពុង​ឡើង​កូដ​មួយ​និង​បាន​សន្យា​ធ្វើ​កំណែទម្រង់​ទាំង​ស្រុង។

មនុស្ស​ឈរ​តម្រង់​ជួរ​ចម្ងាយ​រហូត​ដល់​មួយ​គ.ម.​ត្រូវ​គេ​រាយការណ៍​ខណៈ​ការ​បោះឆ្នោត​បាន​ដំណើរការ​នៅ​ស្ថានីយ​បោះឆ្នោត​ជាង​៨ពាន់​កន្លែង​ទូទាំង​ប្រទេស​ក្នុង​ការ​ចេញ​មក​បោះឆ្នោត​ដ៏​ច្រើន​សន្ធឹកសន្ធាប់​មួយ​ដែល​ក្រុម​អ្នក​វិភាគ​បាន​និយាយ​ថា អាច​លើក​ស្ទួយ​គណបក្ស​ប្រឆាំង​។

ប៉ុន្តែ​ក្រុម​អ្នក​បោះឆ្នោត​បាន​ប្រើ​អ៊ីនធឺណិត​ទាំង​ហ្វូង​ដើម្បី​ចោទ​ប្រកាន់​រដ្ឋាភិបាល​លោក​នាយក​រដ្ឋមន្ត្រី ណាជីប រ៉ាហ្សាក់​ពី​បទ​ព្យាយាម​លួច​បន្លំ​នៅ​ក្នុង​ការ​បោះឆ្នោត​នេះ ខណៈ​ទឹកខ្មៅ​លុប​មិន​ជ្រះ​ដែល​លោក​នាយករដ្ឋមន្ត្រី​បាន​ធានា​អះអាង​ប្រឆាំង​នឹង​ការ​បន្លំ​របស់​អ្នក​បោះឆ្នោត ត្រូវ​បាន​រក​ឃើញ​ថា​ងាយ​លុប​ជ្រះ។

ចាប់​តាំង​ពី​ឯករាជ្យ​ឆ្នាំ​១៩៥៧​រហូត​ដល់​ថ្ងៃ​អាទិត្យ ឧត្តមភាព របស់​ក្រុម​កាន់​អំណាច​ដែល​គ្របដណ្តប់​ដោយ​ក្រុម​បង្រួបបង្រួម​ជាតិ​ម៉ាឡេស៊ី​(UMNO) និង​ពេល​នេះ​ដឹកនាំ​ដោយ​លោក​ណាជីប​មិន​ត្រូវ​បាន​គំរាមកំហែង​ទេ​។

ប៉ុន្តែ​បក្ស​ប្រឆាំង​«កាតិកា​ប្រជាជន» (Pakatan Rakyat)​ដឹកនាំ​ដោយ​អតីត​តារា​UMNO លោក អាន់វ៉ារ អ៊ីប្រាហ៊ីម​បាន​ធ្វើ​ឲ្យ​ប្រទេស​ភ្ញាក់​ផ្អើល​ជាមួយ​ការ​កើន​សំឡេង​ក្នុង​ការ​បោះឆ្នោត​ឆ្នាំ​២០០៨​ជា​ប្រវត្តិសាស្ត ហើយ​ការ​បោះឆ្នោត​កាលពី​ថ្ងៃ​អាទិត្យ​ត្រូវ​បាន​គេ​ទន្ទឹង​ចាំ​មើល​យ៉ាង​អន្ទះសា​តាំង​ពី​ពេល​នោះ​មក។

បន្ទាប់ពី​លោក​បាន​ទម្លាក់​សន្ធឹក​ឆ្នោត​របស់​លោក​ចូល​ក្នុង​ហិប ឆ្នោត​នៅ​មណ្ឌល​ដែល​លោក​ឈរ​ឈ្មោះ​ក្នុង​រដ្ឋ​ប៉េណាំង​លោក​អាន់ វ៉ារ អាយុ​៦៥​ឆ្នាំ​បាន​និយាយ​ថា​៖​«​មាន​ការ​កើនឡើង​យ៉ាង​ច្បាស់ មិន​អាច​ប្រកែក​បាន​ដ៏​ធំ និង​ការ​ប្រែប្រួ​ល​ដ៏​ធំ​ក្នុង​ចំណោម​ប្រជាជន​ទូទាំង​ជនជាតិ​ភាគតិច​»​។ លោក​បាន​ថ្លែង​ថា​៖​«​តាម​បំណង​ព្រះ! យើង​នឹង​ឈ្នះ​»​៕ CC

អត្ថបទគួរចាប់អារម្មណ៍