The Phnom Penh Post Search

Search form




Logo of Phnom Penh Post newspaper Phnom Penh Post - ព័ត៌មានអន្តរជាតិ​​ខ្លី​ៗ

ព័ត៌មានអន្តរជាតិ​​ខ្លី​ៗ

ព័ត៌មានអន្តរជាតិ​​ខ្លី​ៗ

130606_17c
130606_17c

ក្រុម​សាច់ញាតិ​ទាមទារ​ចម្លើយ​ពី​រឿង​អគ្គិភ័យ​ចិន

ក្រុងតេហ៊ុយៈ ក្រុម​សាច់ញាតិ​កម្មករ​ដែល​បាន​ស្លាប់​ក្នុង​អគ្គិភ័យ​លេបត្របាក់​រោងចក្រ​កែច្នៃ​សាច់​មាន់​មួយ​នៅ​ក្នុង​តំបន់​ជនបទ​ភាគ​ឦសាន​ចិន​បាន​នាំ​គ្នា​បិទ​ផ្លូវ និង​ប៉ះទង្គិច​ជាមួយ​ប៉ូលិស​ដោយ​ទាមទារ​ចម្លើយ​ចំពោះ​មហន្តរាយ​ឧស្សាហកម្ម​ដ៏​អាក្រក់​បំផុត​មួយ​នៅ​ចិន​ក្នុង​រយៈពេល​ប៉ុន្មាន​ឆ្នាំ​ថ្មី​ៗ​នេះ។ មនុស្ស​យ៉ាង​តិច​១២០​នាក់​បាន​ស្លាប់​ហើយ​ជាង​៧០​នាក់​ទៀត​បាន​រងរបួស​។ បុរស​ស្ត្រី​មួយ​ក្រុម​បាន​លុត​ជង្គង់​នៅ​កណ្ដាល​ផ្លូវ​ក្នុង​ក្រុង​តេហ៊ុយ​ខេត្ត​ជីលីន​ដើម្បី​បញ្ឈប់​រថយន្ត​រីឯ​ជាង​១០០​នាក់​បាន​ជួប​ជុំ​គ្នា​នៅ​ជុំវិញ​អ្នក​ទាំង​នោះ​។ ប៉ូលិស​បាន​ប្រើ​ពេល​ប្រមាណ​មួយ​ម៉ោង​ដើម្បី​បំបែក​ក្រុម​អ្នក​តវ៉ា៕ PN

 

ក្រុម​សិទ្ធិ​មនុស្ស​ជំរុញ​ម៉ាឡេស៊ី​អនុញ្ញាត​បន្ត​ការ​តវ៉ា​ក្រោយ​ចេញ​លទ្ធផល​នៃ​ការ​បោះឆ្នោត

ក្រុងគូឡាឡាំពួៈ ក្រុម​សិទ្ធិ​មនុស្ស​ពី​ថ្ងៃ​ពុធ​បាន​ថ្កោលទោស​លើ​ការ​ចោទ​ប្រកាន់​ឧក្រិដ្ឋកម្ម​ប្រឆាំង​នឹង​អ្នក​រៀបចំ​ការ​តវ៉ា​ប្រឆាំង​ការ​បោះឆ្នោត​ថ្ងៃ​ទី​៥ ឧសភា នៅ​ម៉ាឡេស៊ី​ដែល​គណបក្ស​ប្រឆាំង​ចោទ​ថា​លួចបន្លំ​។ យ៉ាង​តិច​មនុស្ស​៦​នាក់​ត្រូវ​បាន​ចោទ​ប្រកាន់​ចាប់​តាំង​ពី​ដំណាច់​ខែ​ឧសភា ពី​បទ​រំលោភ​ច្បាប់​ជួបជុំ​ដោយ​សន្តិវិធី​នៅ​ម៉ាឡេស៊ី ដោយ​មិន​បាន​ជូន​ដំណឹង​ដល់​ប៉ូលិស ១០​ថ្ងៃ​មុន​ពេល​រៀបចំ​ការ​ធ្វើ​បាតុកម្ម​ជា​ទង្វើ​មួយ​ដែល​ក្រុម​សិទ្ធិ​មនុស្ស​និយាយ​ថា ដំណើរការ​ផ្ទុយ​ទៅ​នឹង​ស្តង់ដារ​សិទ្ធិ​មនុស្ស​។​លោក​ភីល រ៉ូប៊ើតស៊ុន អនុប្រធាន​សិទ្ធិ​មនុស្ស​ប្រចាំ​អាស៊ី​បាន​និយាយ​ថា​៖​«​ការ​កាត់​ទោស​កម្មជន​ពី​បទ​រៀបចំ​ការ​តវ៉ា​សន្តិវិធី ជា​ការ​ចំអក​ចំពោះ​ការ​សន្យា​របស់​លោក​នាយករដ្ឋមន្ត្រី ដើម្បី​បង្កើត​រដ្ឋាភិបាល​គោរព​សិទ្ធិ​មនុស្ស​»៕ CC

 

អ្នក​កាសែត​ឥណ្ឌូ​នេស៊ី ឈ្នះ​ពាន​រង្វាន់​យក​ព័ត៌មាន​ស៊ើបអង្កេត​AFP

ក្រុងហ្សារកាតាៈ មូលនិធិ AFP បាន​ប្រកាស​កាល​ពី​ថ្ងៃ​ពុធ​ថា អ្នក​កាសែត​ឥណ្ឌូនេស៊ី​លោក Stefanus Teguh Edi Pramono បាន​ឈ្នះ​ពាន​រង្វាន់ Agence France Presse Kate Webb Prize សម្រាប់​សេចក្តី​រាយការណ៍​របស់​គាត់​ស្តី​ពី​សង្គ្រាម​ស៊ីវិល​នៅ​ស៊ីរី និង​ការ​ជួញដូ​គ្រឿងញៀន​នៅ​ក្រុង​ហ្សាការតា។ លោក Pramono អាយុ​៣១​ឆ្នាំ​បាន​ធ្វើការ​ឲ្យ​សារព័ត៌មាន Tempo ជាមួយ​របាយការណ៍​ដ៏​ក្លាហាន​របស់​ខ្លួន​ក្នុង​អំឡុង​ពេល​របប​ផ្តាច់ការ​ជាង​៣០​ឆ្នាំ​របស់​មេដឹកនាំ​ផ្តាច់ការ Suharto នៅ​ក្នុង​អំណាច​៕ CC

អត្ថបទគួរចាប់អារម្មណ៍