ក្រុងតូក្យូ៖ មនុស្សយ៉ាងតិច ១៩ នាក់បានស្លាប់ និង ១៦ នាក់ផ្សេងទៀត កំពុងបាត់ខ្លួន ខណៈខ្យល់ព្យុះទីហ្វុងហាជីប៊ីស បានវាយប្រហារប្រទេស ជប៉ុន នៅក្នុងនោះមានតំបន់ទីក្រុងតូក្យូ កាលពីថ្ងៃសៅរ៍ ដោយបង្កឲ្យមានទឹកជំនន់ហូរចូលទៅក្នុងតំបន់ លំនៅឋាននានានៅទូទាំងប្រទេសនេះ។
យោងតាមចំនួនសរុបរបស់សារព័ត៌មាន Kyodo ដោយផ្អែកទៅលើព័ត៌មាន ដែលបានផ្តល់ដោយក្រុមជួយសង្គ្រោះ និងអាជ្ញាធរផ្សេងទៀត បានឲ្យដឹងថា មនុស្សប្រហែល ១០០ នាក់ បានរងរបួសនៅទូទាំងប្រទេស។
ប្រតិបត្តិការជួយសង្គ្រោះកំពុងដំណើរការនៅកណ្តាលទីក្រុងតូក្យូ នៅតំបន់ភាគខាងកើត និងឦសានដែលរងការវាយប្រហារដោយទឹកជំនន់ និងបាក់ដី។ ក្រសួងការពារជាតិ បានប្រមូលកងកម្លាំងស្វ័យការពារ ២៧ ០០០ នាក់ សម្រាប់ប្រតិបត្តិការជួយសង្គ្រោះនៅទូទាំងប្រទេស។
នៅកណ្តាលទីក្រុងណាហ្គាណូ នៃប្រទេស ជប៉ុន គឺជាតំបន់មួយក្នុងចំណោមតំបន់ដែលរងការវាយប្រហារយ៉ាងខ្លាំងបំផុត ខណៈច្រាំងនៃទន្លេឈីគូរ៉ា បានបាក់រលំដោយបានបង្កឲ្យមានទឹកជំនន់ទ្រង់ទ្រាយធំនៅក្នុងតំបន់លំនៅឋានជាច្រើនដោយ ក្រសួងដែនដីបានប៉ាន់ប្រមាណថា តំបន់ខ្លះក្នុងចំណោមតំបន់ទាំងនោះ អាចត្រូវបានគេមើលឃើញថា ទឹកជំនន់ឡើងរហូតដល់កម្ពស់ ៥ ម៉ែត្រ។
ទឹកជំនន់បានជន់លិចផ្ទះ និងកន្លែងមួយចំនួននៅក្នុងទីក្រុងមួយនេះ នៅក្នុងនោះមានប្រព័ន្ធបង្ហូរទឹក និងរថភ្លើងល្បឿនលឿនជាច្រើនគ្រឿង បានចតនៅចំណតរថភ្លើងរបស់ក្រុមហ៊ុន Railway Co នៅប្រទេស ជប៉ុនភាគខាងកើត នៅជិតស្ថានីយណាហ្គាណូ។
មនុស្សជាង ៦ លាននាក់ នៅទូទាំងកោះហ៊ុងស៊ូដ៏សំខាន់របស់ប្រទេស ជប៉ុន ត្រូវបានគេជម្លៀសឲ្យចេញពីទីនោះ ដោយក្រុមប្រតិបត្តិការរថភ្លើងដែលបានពន្យារពេលការផ្តល់សេវារថភ្លើង និងព្រលានយន្តហោះភាគច្រើនត្រូវបានបិទនៅក្នុងទីក្រុងធំៗ និងនៅតំបន់ជុំវិញជាច្រើនទៀត នៅចន្លោះរសៀលថ្ងៃសៅរ៍ និងព្រឹកថ្ងៃអាទិត្យ។
ចំណែកឯក្រុមទីប្រឹក្សាផ្តល់យោបល់ឲ្យជម្លៀសជនភៀសខ្លួន ត្រូវបានធ្វើឡើងនៅត្រឹមព្រឹកថ្ងៃអាទិត្យនៅក្រុងតូក្យូ ហើយភាគច្រើននៃកណ្តាលក្រុង និងភាគខាងកើតប្រទេស ជប៉ុន ក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍បានថ្លែងថា យ៉ាងហោចណាស់មានកន្លែងបាក់ដី និងហូរលាយឡំដោយភក់ ៤៨ កន្លែង ត្រូវបានគេរាយការណ៍ឲ្យដឹងនៅក្នុងតំបន់ទាំង ១២ ហើយទន្លេ ៩ បាក់ច្រាំង។
ព្រលានយន្តហោះហានីដា និងសេវារថភ្លើងល្បឿនលឿនស៊ីនកាន់សេននៃទីក្រុងតូក្យូ បានចាប់ផ្តើមបន្តប្រតិបត្តិការឡើងវិញ ចាប់ពីព្រឹកថ្ងៃអាទិត្យ បន្ទាប់ពីមានការពន្យារពេលយ៉ាងយូរ កាលពីប៉ុន្មានថ្ងៃមុនកន្លងទៅនេះ៕ Kyodo/SK