ក្រុងទ្រីប៉ូលី៖ ចាប់ពីការទិញនាវាអៀរឡង់ ១ គ្រឿង បានត្រូវបានចុះក្នុងបញ្ជីឡើងវិញថា ជា «នាវាកម្សាន្ត» ១ គ្រឿង ក្នុងការគាំទ្រដល់ក្រុមហ៊ុនកាណាដា ដើម្បីជ្រើសរើសកងទ័ពស៊ូដង់ ដែលជាក្រុមសង្គ្រាមរបស់ប្រទេស លីប៊ី កំពុងគ្រប់គ្រងអំណាចកំពុងរំលោភបំពានបម្រាមទិញ-លក់អាវុធរបស់អង្គការសហប្រជាជាតិ។
នោះ គឺជាលទ្ធផលរបស់របាយកាណ៍ដែលមាន ៤០០ ទំព័រ បានបោះពុម្ភផ្សាយនៅសប្តាហ៍នេះ ដោយក្រុមអ្នកជំនាញអង្គការសហប្រជាជាតិ ដែលបានចោទប្រកាន់ពីបទរៀបចំបង្កើតក្រុមហ៊ុន និងអំណាចផ្ទៃក្នុងនៃការរំលោភបំពានលើកិច្ចព្រមព្រៀងទិញ-លក់អាវុធឆ្នាំ ២០១១ ដោយមានការដឹកជញ្ជូនអាវុធ ឬក្រុមយុទ្ធជនសកម្មប្រយុទ្ធទៅកាន់ប្រទេស អាហ្វ្រិកខាងជើង។
ដោយបានជាប់ផុងនៅក្នុងភាពចលាចល ចាប់តាំងពីមានការបះបោរដែលគាំទ្រដោយអង្គការណាតូ ដែលបានទម្លាក់ និងសម្លាប់ជនផ្តាច់ការលោកមូអាម៉ា ហ្គាដាហ្វី អស់រយៈពេល ៨ ឆ្នាំមកហើយ ការព្រួយបារម្ភរបស់យោធាលីប៊ី កាន់តែកើនឡើងខ្លាំងថែមទៀតនៅក្នុងឆ្នាំនេះ។
បុរសខ្លាំងនៅភាគខាងកើតលោក ហ្គាលីហ្វា ហាហ្វតារ កាលពីខែមេសា បានបើកការវាយប្រហារទ្រង់ទ្រាយធំមួយ ប្រឆាំងរដ្ឋាភិបាលបង្រួបបង្រួមជាតិ (GNA) មានមូលដ្ឋាននៅទីក្រុងទ្រីប៉ូលី ជាយុទ្ធនាការយោធាមួយ ដែលក្រុមអ្នកជំនាញរបស់អង្គការសហប្រជាជាតិបាននិយាយថា បាន «បញ្ជូនសម្ភារយោធាថ្មី» ទៅកាន់ប្រទេស លីប៊ី។
របាយការណ៍នោះ បានឲ្យដឹងថា ការបញ្ជូនសម្ភារយោធាទាំងនោះត្រូវបានគេ «ធ្វើម្តងហើយម្តងទៀត និងជួនកាលដោយឥតលាក់លៀម ដោយមានការបង់ថ្លៃតិចតួចបំផុត ដើម្បីអនុវត្តតាមវិធានការទណ្ឌកម្ម» ដោយបានបញ្ជាក់ថា ការដឹកជញ្ជូនខ្លះ មានគម្រោងរយៈពេលយូរអង្វែង និងមានការលួចលាក់ទាំងស្រុង៕ AFP/SK