.jpg)
ឧទ្ធម្ភាគចក្រ MH-60S Sea Hawk ដឹកទំនិញ និងសម្ភារមកដាក់លើនាវា USS Abraham Lincoln។ AFP
ក្រុងតេអេរ៉ង់ៈ ភាពតានតឹងរវាងក្រុងតេអេរ៉ង់ និងក្រុងវ៉ាស៊ីនតោន បានឡើងកម្តៅកាន់តែខ្លាំងឡើង ចាប់តាំងពីខែមុន នៅពេលអាមេរិកបានដាក់កងការពារបដិវត្តន៍អ៊ីរ៉ង់ចូលក្នុងបញ្ជីខ្មៅនៃក្រុមអង្គការ «ភេរវកម្ម» របស់ខ្លួន ហើយបានបង្កើនការដាក់ទណ្ឌកម្មប្រឆាំងសាធារណរដ្ឋអ៊ិស្លាមមួយនេះបន្ថែមទៀត។
កាលពីថ្ងៃទី ៨ ខែ មេសា ក្រុងវ៉ាស៊ីនតោន បានប្រកាសថា កងការពារបដិវត្តន៍អ៊ិស្លាមជាក្រុម «ភេវរកម្ម» ហើយជាកងកម្លាំងមនោគមន៍វិជ្ជារបស់របបអ៊ីរ៉ង់។
លោកប្រធានាធិបតីអាមេរិក ដូណាល់ ត្រាំ បានថ្លែងថា នេះ គឺជាលើកទី១ ហើយ ដែលលោកបានចាត់ទុកផ្នែកនៃរដ្ឋាភិបាលបរទេសមួយនេះថា ជាក្រុមភេរវកម្ម។
កងកម្លាំង prized Quds ជាកងកម្លាំងរបស់កងការពារបដិវត្តន៍អ៊ីរ៉ង់ ដែលបានធ្វើប្រតិបត្តិការនៅក្រៅប្រទេស ត្រូវបានអាមេរិកដាក់បញ្ចូលនៅក្នុងបញ្ជីខ្មៅរបស់ខ្លួន។
នាវាសម្រាប់ដឹកយន្តហោះ និងជាមូលដ្ឋានដែលយន្តហោះអាចចុះចតបាន USS Abraham Lincoln។ AFP
ក្រោយមក អ៊ីរ៉ង់ បានចោទប្រកាន់អាមេរិកពីបទធ្វើជា «មេដឹកនាំភេវរកម្មរបស់ពិភពលោក» យ៉ាងពិតប្រាកដ។ អ៊ីរ៉ង់បាននិយាយថា កងកម្លាំងអាមេរិកដែលបានធ្វើប្រតិបត្តិការនៅមជ្ឈិមបូព៌ា ចាប់ពីប្រទេស អាហ្រ្វិក រហូតដល់អាហ្វហ្គានីស្ថាន គឺជាក្រុមអង្គការ «ភេវរកម្ម» ផងដែរ។
កាលពីថ្ងៃទី ៥ ខែ ឧសភា ទីប្រឹក្សាសន្តិសុខជាតិរបស់សេតវិមាន លោក ចន បូលតុន បានប្រកាសថា មន្ទីរបញ្ចកោណ កំពុងបញ្ជូនក្រុមនាវាផ្ទុកយន្តហោះ USS Abraham Lincoln និងកងកម្លាំងទម្លាក់គ្រាប់បែកទៅកាន់តំបន់មជ្ឈិមបូព៌ា។
លោក ចន បូលតុន បានថ្លែងថា៖ «អាមេរិកមិនមែនស្វែងរកធ្វើសង្គ្រាមជាមួយរបបអ៊ីរ៉ង់ទេ ប៉ុន្តែយើងត្រូវបានរៀបចំឲ្យបានពេញលេញ ដើម្បីឆ្លើយតបទៅនឹងការវាយប្រហារណាមួយជាយថាហេតុ ថាតើកើតឡើងដោយសារតែក្រុមកងការពារបដិវត្តន៍អ៊ិស្លាម ឬ កងកម្លាំងជាតិអ៊ីរ៉ង់នោះទៅវិញទេ ជាអ្នកបង្កឡើង»។
លោករដ្ឋមន្ត្រីការពារជាតិស្តីទីអាមេរិក Patrick Shanahan មកដល់ដើម្បីប្រជុំសម្ងាត់អំពីបញ្ហាអ៊ីរ៉ង់។ AFP
កាលពីថ្ងៃទី ៧ ខែ ឧសភា អាមេរិក បានថ្លែងថា ខ្លួនកំពុងដាក់ពង្រាយយន្តហោះទម្លាក់គ្រាប់បែក B-52 ជាច្រើនគ្រឿងទៅកាន់ឈូងសមុទ្រនោះ ដែលមានការឯកភាពពីមន្ទីរបញ្ចកោណ ដោយបានថ្លែងថា អាមេរិកនឹងដាក់ពង្រាយមីស៊ីល Patriot និងនាវាចម្បាំងទាំងនៅក្នុងទឹក និងលើគោកនៅក្នុងតំបន់នោះ។
កាលពីថ្ងៃទី ៨ ខែ ឧសភា អ៊ីរ៉ង់បានថ្លែងថា ខ្លួនកំពុងរៀបចំចម្រាញ់ជាតិអ៊ុយរ៉ានីញ៉ូម និងផលិតអាវុធបាញ់ចេញពីទឹកធុនធ្ងន់បន្ថែមទៀត ថាជាផ្នែកនៃការសម្រេចចិត្តរបស់ខ្លួន ដើម្បីបញ្ឈប់ការប្តេជ្ញាចិត្តមួយចំនួន ដែលបានធ្វើឡើងស្ថិតនៅក្រោមកិច្ចព្រមព្រៀងអាវុធនុយក្លេអ៊ែរឆ្នាំ ២០១៥ ជាមួយក្រុមប្រទេសមហាអំណាចពិភពលោកធំៗទាំងនោះ។
១ ឆ្នាំរហូតមកដល់ពេលបច្ចុប្បន្ន ក្រោយពីក្រុងវ៉ាស៊ីនតោនបានដកខ្លួនជាឯកតោភាគីចេញពីកិច្ចព្រមព្រៀងនុយក្លេអ៊ែរ ដោយដាក់ទណ្ឌកម្មជាថ្មីទៀតទៅលើប្រទេស អ៊ីរ៉ង់៕ AFP/SK
