ក្រុងដាម៉ាសៈ អាជ្ញាធរនៅក្នុងប្រទេសទាំង ២ បានថ្លែងកាលពីថ្ងៃអាទិត្យថា ភ្លើងបានបំផ្លិចបំផ្លាញផ្នែកខ្លះ របស់ប្រទេសស៊ីរី និងលីបង់ ក្នុងរយៈពេលប៉ុន្មានថ្ងៃថ្មីៗនេះ ហើយត្រូវបានស្ថិតនៅក្រោមការគ្រប់គ្រងរបស់អាជ្ញាធរ។
យោងតាមក្រសួងសុខាភិបាលបានឲ្យដឹងថា នៅក្នុងប្រទេសស៊ីរី ឥន្ទៈបានផ្ទុះឡើងដោយសារសីតុណ្ហភាពក្តៅខ្លាំង ហើយវាបានផ្ទុះឡើងកាលពីថ្ងៃសុក្រកន្លងទៅ នៅក្នុងខេត្តហូម តារទុសនិងខេត្តឡាតាគៀ ជាទីដែលមនុស្សយ៉ាងតិច ៣ នាក់បានស្លាប់។
យោងតាមប្រព័ន្ធផ្សព្វផ្សាយបានរាយការណ៍ថា គ្រួសារមួយចំនួនបានរត់ភៀសខ្លួនចេញពីតំបន់លំនៅឋាននៅជិតភ្លើងឆេះនោះ។
អភិបាលខេត្ត គឺលោក អ៊ីប្រាហ៊ីម ហ្គាឌ័រអាល់-សាឡេម បានថ្លែងត្រូវបានគេដកស្រង់សម្តីដោយ ទីភ្នាក់ងារសារព័ត៌មានរដ្ឋសាណាថា៖ «ក្រុមការពារជនស៊ីវិល បានគាំទ្រដោយអង្គភាពយោធា និងប្រជាជន បច្ចុប្បន្នភ្លើងទាំងអស់បានស្ថិតនៅក្នុងការគ្រប់គ្រង នៅក្នុងខេត្ត» ឡាតាគៀ។
លោកបានបន្ថែមថា៖ «ក្រុមអ្នកពន្លត់អគ្គិភ័យនៅតែស្ថិតនៅកន្លែងកើតហេតុ ហើយកំពុងពន្លត់ភ្លើងនៅកន្លែងឆេះនោះ»៕ SK