.jpg)
កាលពីថ្ងៃអង្គារ ទី ២៧ ខែមេសា មជ្ឈមណ្ឌលការពារជំងឺឆ្លងសហរដ្ឋអាមេរិក (CDC) បង្ហាញថា មិនបានរកឃើញទំនាក់ទំនងរវាងជំងឺរលាកសាច់ដុំបេះដូងដែលបណ្តាលមកពីវ៉ាក់សាំងកូវីដទេ។
នាយកទីភ្នាក់ងារអាមេរិកលោក Rochelle Walensky បាននិយាយនៅក្នុងសន្និសីទកាសែតមួយថា៖ «យើងមើលទៅលើ ២០០ ករណី ប៉ុន្តែយើងមិនបានរកឃើញថា ជំងឺរលាកសាច់ដុំបណ្តាលមកពីការចាក់វ៉ាក់សាំងកូវីដ១៩ទេ» ។
លោកស្រីបាននិយាយថា CDC កំពុងទាក់ទងជាមួយក្រសួងការពារជាតិអាមេរិក (DoD) ជុំវិញការស៊ើបអង្កេតរបស់ខ្លួនលើករណីរលាកបេះដូង ឬជំងឺរលាកសាច់ដុំបេះដូងចំនួន ១៤ ករណីក្នុងចំណោមមនុស្សដែលត្រូវបានចាក់វ៉ាក់សាំងតាមរយៈសេវាកម្មសុខភាពរបស់យោធា៕
