ក្រុងវែលីងតោន៖ មនុស្ស ៥ នាក់បានស្លាប់ និង ១៨ នាក់ផ្សេងទៀតរងរបួស ហើយមនុស្សមួយចំនួនផ្សេងទៀតត្រូវបានជាប់តែលតោល ក្រោយពីភ្នំភ្លើងនៅលើកោះដ៏មានប្រជាប្រិយសម្រាប់ភ្ញៀវទេសចរនោះ បានផ្ទុះឡើងនៅប្រទេស នូវែលសេឡង់ កាលពីថ្ងៃចន្ទ។
ប៉ូលិសបាននិយាយថា មនុស្សប្រហែល ៥០ នាក់ កំពុងធ្វើដំណើរកម្សាន្តនៅលើកោះសនោះ នៅពេលភ្នំភ្លើងបានផ្ទុះឡើងភ្លាមៗកាលពីថ្ងៃត្រង់ ដោយបានបញ្ចេញកំអ៊ែលផេះ និងកម្ទេចថ្មឡើងទៅលើអាកាស។
មនុស្សជាង ១០ នាក់ បានជម្លៀសចេញពីកោះនោះ និង ៥ នាក់ ក្នុងចំណោមពួកគេ ចាប់តាំងពីពេលនោះមកបានស្លាប់។ អ្នកដែលនៅរស់ត្រូវបាន និងកំពុងព្យាបាលរបួសនៅក្នុងនោះមានអ្នករបួសធ្ងន់ធ្ងរ។
នៅមិនទាន់បានដឹងច្បាស់អំពីក្រុមអ្នកនៅលើកោះនៅឡើយទេ បច្ចុប្បន្នត្រូវបានគេប៉ាន់ប្រមាណថា មានចំនួនទ្វេដង ដែលនៅតែជាប់តែលតោលនៅលើកោះនោះ។
ស្នងការរងប៉ូលិស លោក ចន ធីម បានថ្លែងថា៖ «យើងនៅមិនទាន់ដឹងច្បាស់អំពីចំនួនពិតប្រាកដនៅលើកោះនោះនៅឡើយ ហើយនៅមិនប្រាកដអំពីសុវត្ថិភាពរបស់ពួកគេទេ»។
លោកបានថ្លែងថា នៅពេលយប់សកម្មភាពភ្នំភ្លើងអាចធ្វើឲ្យគ្រោះថ្នាក់យ៉ាងខ្លាំង។
«កោះនោះ គឺមិនមានស្ថិរភាពទេ ក្រោយពីភ្នំភ្លើងផ្ទុះឡើង បង្កឲ្យគ្រោះថ្នាក់នៅទីនោះ»៕ AFP/SK