ក្រុងញូវដែលីៈ មន្ត្រីរដ្ឋបាលស្រុកប្រចាំតំបន់ម្នាក់បានថ្លែងថា មនុស្សយ៉ាងតិច ៧ នាក់បានស្លាប់ និង ៤ នាក់ផ្សេងទៀតរងរបួស នៅក្នុងការផ្ទុះមួយនៅកន្លែងរោងចក្រមួយកន្លែងនៅក្នុងរដ្ឋ Uttar Pradesh ភាគខាងជើងប្រទេសឥណ្ឌា កាលពីថ្ងៃអាទិត្យកន្លងទៅ។
គ្រោះថ្នាក់អកុសលនោះ បានកើតឡើងនៅក្នុងតំបន់ម៉ូឌីណាហ្គា នៃស្រុកហ្គាហ្សៀប៊េតនៃរដ្ឋនោះ។
កាសែត Hindustan Times បានដក់ស្រង់សំដីស្នងការប៉ូលិស Neeraj Kumar Jadaun ដោយបានថ្លែងថា៖ «មនុស្ស ៧ នាក់ នៅក្នុងនោះរួមមានស្ត្រីមួយចំនួនបានស្លាប់ និងមនុស្ស ៤ នាក់ផ្សេងទៀត បានរងរបួសយ៉ាងធ្ងន់ធ្ងរ នៅក្នុងឧប្បត្តិហេតុភ្លើងឆេះនោះ។ យោងតាមប៉ូលិសក្នុងតំបន់បានឲ្យដឹងថា មនុស្សប្រហែល ២០-២៥ នាក់ កំពុងជប់លៀងនៅក្នុងរោងចក្រ នៅពេលភ្លើងនោះបានផ្ទុះឆេះឡើងនៅទីនោះ»។
លោកបានថ្លែងថា៖ «យើងកំពុងព្យាយាមស្វែងរកម្ចាស់រោងចក្រនោះ និងដំណើរការផ្តល់អត្តសញ្ញាណអ្នកស្លាប់ កំពុងដំណើរការនៅឡើយ»៕ Xinhua/SK