.jpg)
មន្ត្រីកាណាដាបានជួបជាមួយអតីតអ្នកការទូតលោក Michael Kovrig ដែលត្រូវបានឃុំខ្លួននៅក្នុងប្រទេសចិន អស់រយៈពេលជាងពីរឆ្នាំក្នុងករណីទាក់ទងទៅនឹងនាយកប្រតិបត្តិនៃក្រុមហ៊ុនទូរគមនាគមន៍យក្សចិន Huawei កាលពីឆ្នាំ ២០១៨។
លោក Kovrig និងអ្នកជំនួញ Michael Spavor ត្រូវបានចិនបានឃុំខ្លួនតាំងពីថ្ងៃទី ១០ ខែ ធ្នូ ឆ្នាំ ២០១៨ បន្ទាប់ពីកាណាដាបានឃុំខ្លួននាយកប្រតិបត្តិក្រុមហ៊ុន Huawei គឺលោក Meng Wanzhou ដែលជាកូនស្រីរបស់ស្ថាបនិកក្រុមហ៊ុនទូរគមនាគមន៍ចិន ។
រដ្ឋអាជ្ញាចិនបានប្រកាសកាលពីឆ្នាំមុនថា លោក Kovrig ត្រូវបានគេចោទប្រកាន់ពីបទសង្ស័យធ្វើចារកម្មសម្ងាត់ និងសង្ស័យពីបទធ្វើចារកម្មឱ្យអង្គភាពបរទេស និងផ្តល់ព័ត៌មានសម្ងាត់របស់រដ្ឋដោយខុសច្បាប់។ ដោយកាលពីខែកញ្ញា ឆ្នាំ ២០១៩ នាយករដ្ឋមន្ត្រីកាណាដាលោក Justin Trudeau បានចោទប្រកាន់ប្រទេសចិន ថាបានប្រើការឃុំឃាំងជាឧបករណ៍ ដើម្បីសម្រេចគោលដៅនយោបាយរបស់ខ្លួន៕
