.jpg)
លោកស្រី RenaeLawrence ចាប់ដៃជាមួយសាច់ញាតិរបស់លោកស្រីនៅក្នុងពន្ធនាគារ។ AFP
ក្រុងដេនប៉ាហ្សារៈ មន្ត្រីពន្ធនាគារមួយរូបបានថ្លែង កាលពីថ្ងៃចន្ទថា សមាជិកស្ត្រីតែមួយរបស់ក្រុម «Bali Nine» ដែលជាក្រុមជួញដូរគ្រឿងញៀន នឹងត្រូវបានដោះលែងឲ្យមានសេរីភាព ចេញពីពន្ធនាគារមួយនៅឥណ្ឌូនេស៊ី នៅសប្តាហ៍ក្រោយនេះ បន្ទាប់ពីបានជាប់ពន្ធនាគារ ១៣ ឆ្នាំ នៅក្នុងករណីមួយដែលបានបណ្តាលឲ្យមានកំហឹងខាងការទូត ។
អ្នកស្រី Renae Lawrence ជាជនជាតិអូស្ត្រាលី មានវ័យ ៤១ ឆ្នាំ ត្រូវបានចាប់ខ្លួន កាលពីឆ្នាំ ២០០៥ ក្រោយពីស្ត្រីរូបនេះ ត្រូវបានចាប់ខ្លួនជាមួយគ្រឿងញៀនចំនួន ២,៦ គីឡូក្រាមនៅជាប់ខ្លួន ខណៈព្យាយាមរត់គេចខ្លួនចេញពីព្រលានយន្តហោះអន្តរជាតិ នៅថ្ងៃឈប់សម្រាកនៅលើកោះបាលីនោះ។
អ្នកស្រី Lawrence ត្រូវបានកាត់ទោសឲ្យជាប់ពន្ធនាគារអស់មួយជីវិត ប៉ុន្តែការកាត់ទោសស្ត្រីរូបនោះ ត្រូវបានបន្ធូរបន្ថយទោសនៅត្រឹម ២០ឆ្នាំ ហើយបន្ទាប់មកទៀត ត្រូវបានបន្ថយទោសបន្ថែមទៀត ដោយសារមានចរិយាមារយាទល្អនៅក្នុងពន្ធនាគារ។
លោក Made Suwendra ជាប្រធានពន្ធនាគារ Bangli នៅលើកោះបាលី ដែលជាកន្លែងអ្នកស្រី Lawrence ត្រូវបានជាប់ពន្ធនាគារ បានប្រាប់ AFP ថា៖ «អ្នកស្រី នឹងត្រូវបានដោះលែង នៅថ្ងៃទី ២១ ខែវិច្ឆិកា ខាងមុខនេះ»៕ SK
