.jpg)
កាលពីថ្ងៃចន្ទ ទី ៨ ខែកុម្ភៈ ខុទ្ទកាល័យរដ្ឋលេខាធិការនៃរដ្ឋ Georgia ប្រកាសបើកការស៊ើបអង្កេតលើទំនាក់ទំនងតាមទូរស័ព្ទមួយរវាងអតីតប្រធានាធិបតី Donald Trump និងមន្ត្រីរៀបចំការបោះឆ្នោតជាន់ខ្ពស់ ដែលក្នុងនោះលោកបានទាមទារឱ្យមន្ត្រី «ស្វែងរក» សំឡេងឆ្នោតគ្រប់គ្រាន់ ដើម្បីឱ្យលោកឈ្នះនៅរដ្ឋនេះ។
កាលពីថ្ងៃទី ២ មករា លោក Trump បានទាក់ទងតាមទូរស័ព្ទទៅលោករដ្ឋលេខាធិការ Brad Raffen sperger និងមន្ត្រីរៀបចំបោះឆ្នោតផ្សេងទៀត ដើម្បីបញ្ចុះបញ្ចូលមន្ត្រីទាំងនេះឱ្យផ្លាស់ប្ដូរលទ្ធផលជ័យជម្នះរបស់លោក Joe Biden នៅរដ្ឋនេះ មុនសភាអាមេរិកធ្វើការបញ្ជាក់ជាផ្លូវការ។
ការបើកការស៊ើបអង្កេតត្រូវបានធ្វើឡើងដោយសារពាក្យបណ្ដឹងរបស់សាស្ត្រាចារ្យសាលាច្បាប់នៃសាកលវិទ្យាល័យ George Washington លោក John Banzhaf III ដែលបានចោទប្រកាន់លោក Trump ថាបានរំលោភច្បាប់ជាច្រើនក្នុងទំនាក់ទំនងនោះ៕
