ប្រទេសឥណ្ឌា និងចិន បាននិយាយឱ្យដឹងកាលពីថ្ងៃចន្ទថា កិច្ចចរចាលើកទី៩ រវាងមេបញ្ជាការយោធាដើម្បីដោះស្រាយពីជម្លោះតាមព្រំដែនរយៈពេល ១ ខែនៅតំបន់ហិមាល័យ ស្ថិតក្នុងតំបន់ឡាដាកលទ្ធផលគឺ «វិជ្ជមានអាចអនុវត្តជាក់ស្តែងបាននិងមានប្រសិទ្ធភាព»។
សេចក្តីថ្លែងការណ៍រួមចេញដោយក្រសួងការពារជាតិរបស់ប្រទេសឥណ្ឌាបានឱ្យដឹងថា «ភាគីទាំង ២ បានឯកភាពគ្នាដោយជំរុញឱ្យមានការដកថយចំនួនកងទ័ពជួរមុខទាំងសងខាង»។
គួរបញ្ជាក់ផងដែរថា កន្លងមកប្រទេសមានអាវុធនុយក្លេអ៊ែរនៅជុំវិញតំបន់បានដាក់ពង្រាយកងទ័ពរាប់ពាន់នាក់នៅតាមវាលខ្សាច់ដាច់ស្រយាលនៃតំបន់ឡាដាក ខណៈពេលភាពតានតឹងបានផ្ទុះឡើងបន្ទាប់ពីទាហានឥណ្ឌា ២០នាក់បានស្លាប់ក្នុងអំឡុងពេលប្រយុទ្ធគ្នា។ យ៉ាងណាមិញ ចំនួនជនជាតិចិនដែលស្លាប់ និងរបួសពីការប៉ះទង្គិច មិនត្រូវបានគេបង្ហាញឡើយ៕