.jpg)
ក្រុមអ្នកតវ៉ាបង្ហាញបដាក្នុងអំឡុងការតវ៉ាមួយដើម្បីគាំទ្រជនភាគតិចរ៉ូហ៊ីងយ៉ា និងថ្កោលទោសការបង្រ្កាបរបស់យោធាមីយ៉ាន់ម៉ានាពេលកន្លងទៅ។ AFP
ក្រុងបាហ្សារៈ មន្ត្រីបង់ក្លាដែសម្នាក់ បានថ្លែងកាលពីថ្ងៃពុធថា ជនមូស្លីមរ៉ូហ៊ីងយ៉ាយ៉ាងតិច ១ ៣០០ នាក់ បានឆ្លងកាត់ចូលទៅបង់ក្លាដែស ពីប្រទេស ឥណ្ឌា ចាប់តាំងពីដើមឆ្នាំនេះ ខណៈមានការព្រួយបារម្ភអំពីការបញ្ជូនទៅមីយ៉ាន់ម៉ា បានបង្កឲ្យមានការជម្លៀសចេញទាំងហ្វូងៗ។
ក្រុងញូវដែលីបានប្រឈមនឹងការរិះគន់យ៉ាងខ្លាំងជុំវិញការបញ្ជូនក្រុមសមាជិកជនជាតិភាគតិចដែលត្រូវបានគេធ្វើទុក្ខបុកម្នេញ ត្រឡប់ទៅឲ្យប្រទេស មីយ៉ាន់ម៉ា កាលពីប៉ុន្មានសប្តាហ៍ថ្មីៗនេះ ថ្វីបើកងទ័ពនៅទីនោះត្រូវបានចោទប្រកាន់ពីបទប្រព្រឹត្តអំពើឃោរឃៅប្រឆាំងជនរ៉ូហ៊ីងយ៉ាទាំងនោះក្តី។
អង្គការសហប្រជាជាតិ និងក្រុមសិទ្ធិមនុស្ស បានចោទប្រកាន់ឥណ្ឌាពីបទមិនគោរពច្បាប់អន្តរជាតិ និងបញ្ជូនជនភៀសខ្លួនរ៉ូហ៊ីងយ៉ាទៅកន្លែងដែលអាចមានគ្រោះ នៅមីយ៉ាន់ម៉ាដែលភាគច្រើនកាន់ព្រះពុទ្ធសាសនានោះ។
ប្រទេស ឥណ្ឌា ដែលមិនមែនភាគីហត្ថលេខីនៅក្នុងអនុសញ្ញាស្តីពីជនភៀសខ្លួនរបស់អង្គការសហប្រជាជាតិនោះ បានចាប់បញ្ជូនជនរ៉ូហ៊ីងយ៉ា ២៣០ នាក់ កាលពីឆ្នាំ ២០១៨ ភាគច្រើនបំផុតនៅក្នុងឆ្នាំនោះ ខណៈក្រុមកាន់សាសនាហិណ្ឌូដ៏រឹងរូស បានអំពាវនាវឲ្យបញ្ជូនជនភៀសខ្លួនមូស្លីមចេញឲ្យអស់។
ការប្រមូលផ្តុំនៅឥណ្ឌា និងកង្វល់អំពីការបណ្តេញចេញឲ្យទៅកាន់មីយ៉ាន់ម៉ាវិញនោះ បានកំពុងជំរុញឲ្យក្រុមជនមូស្លីមគ្មានរដ្ឋទាំងចូលទៅនៅ បង់ក្លាដែស៕ AFP/SK
_3.gif)
ជនភៀសខ្លួនប្រមូលផ្តុំគ្នានៅក្បែរព្រំដែនមីយ៉ាន់ម៉ានិងបង់ក្លាដែស។ AFP
