The Phnom Penh Post Search

Search form




Logo of Phnom Penh Post newspaper Phnom Penh Post - មន្ត្រី៖ សហគមន៍​អឺរ៉ុប​មិនទាន់​បាន​បញ្ជា​ទិញ​វ៉ាក់សាំង AstraZeneca បន្ថែម​សម្រាប់​ខែមិថុនាទេ

មន្ត្រី៖ សហគមន៍​អឺរ៉ុប​មិនទាន់​បាន​បញ្ជា​ទិញ​វ៉ាក់សាំង AstraZeneca បន្ថែម​សម្រាប់​ខែមិថុនាទេ

Content image - Phnom Penh Post
លោក Thierry Breton ថ្លែង​នៅក្នុង​អំឡុង​សន្និសីទ​សារព័ត៌មាន​ក្រោយ​ជំនួប ១ ជាមួយ​លោក​រដ្ឋមន្ត្រី​សេដ្ឋកិច្ច​ឡេតូនី​ Janis Vitenbergs។ AFP

មន្ត្រី៖ សហគមន៍​អឺរ៉ុប​មិនទាន់​បាន​បញ្ជា​ទិញ​វ៉ាក់សាំង AstraZeneca បន្ថែម​សម្រាប់​ខែមិថុនាទេ

គណៈកម្មការ​ទីផ្សារ​ផ្ទៃក្នុង​អឺរ៉ុប លោក Thierry Breton បាន​ឱ្យ​ដឹង​កាលពី​ថ្ងៃអាទិត្យ ថា សហគមន៍​អឺរ៉ុប​មិនទាន់​បាន​បញ្ជា​ទិញ​វ៉ាក់សាំង AstraZeneca ថ្មី​បន្ថែមទៀត សម្រាប់​ខែមិថុនា​នោះទេ ខណៈ​សហគមន៍​មួយ​នេះ​ទើប​ចុះហត្ថលេខា​ព្រមព្រៀង​វ៉ាក់សាំង​ជាមួយ​ក្រុមហ៊ុន Pfizer-BioNTech រួចមក។

ប្រភព​ដដែល​បាន​បន្តថា លោក​រំពឹងថា​ថ្លៃដើម​នៃ​ការបញ្ជាទិញ​វ៉ាក់សាំង Pfizer-BioNTech លើក​ក្រោយ​របស់​សហគមន៍​អឺរ៉ុប អាច​នឹង​ខ្ពស់ជាង​ការបញ្ជា​ទិញមុន។

កាលពី​ខែ​មុន​គណៈកម្មការ​សហគមន៍​អឺរ៉ុប ក៏បាន​ចាប់ផ្តើម​ចាត់វិធានការ​តាមផ្លូវ​ច្បាប់​ប្រឆាំង​នឹង​ក្រុមហ៊ុន​ AstraZeneca ដែល​មិនបាន​គោរព​តាម​សន្យា​ក្នុងការ​ផ្គត់ផ្គង់​វ៉ាក់សាំង​កូវីដ១៩ តាម​កិច្ចសន្យា និង​មិនមាន​ផែនការ​ច្បាស់លាស់ ដើម្បី​ធានា​ផ្គត់ផ្គង់​វ៉ាក់សាំង​ឱ្យ​ទាន់​ពេលវេលា។

ដោយឡែក កាលពី​ថ្ងៃ​សុក្រ​កន្លង​ទៅ សហគមន៍​អឺរ៉ុប​បាន​ចុះហត្ថលេខា​លើ​កិច្ចសន្យា​វ៉ាក់សាំង​ថ្មី​មួយ​ជាមួយ​ក្រុមហ៊ុន​ Pfizer-BioNTech ដើម្បី​បញ្ជា​ទិញ​វ៉ាក់សាំង​ប្រមាណ ១,៨ ពាន់​លានដូស​សម្រាប់​ឆ្នាំ ២០២១ ដល់ ២០២៣ ដើម្បី​បន្ត​ចែកចាយ បរិច្ចាគ​ និង​លក់​បន្ត​ផងដែរ៕

អត្ថបទគួរចាប់អារម្មណ៍