The Phnom Penh Post Search

Search form




Logo of Phnom Penh Post newspaper Phnom Penh Post - មន្ទីរ​បញ្ចកោណ​ថា ​ខ្លួន​មិន​អនុញ្ញាត​​ឲ្យ​មាន​​​កិច្ច​ប្រតិបត្តិការ​របស់​តួកគី ​នៅ​ស៊ីរី​ភាគ​ខាង​ជើង​ទេ​

មន្ទីរ​បញ្ចកោណ​ថា ​ខ្លួន​មិន​អនុញ្ញាត​​ឲ្យ​មាន​​​កិច្ច​ប្រតិបត្តិការ​របស់​តួកគី ​នៅ​ស៊ីរី​ភាគ​ខាង​ជើង​ទេ​

Content image - Phnom Penh Post
លោក​ ដូណាល់ ត្រាំ (ស្តាំ)​ ជួបពិភាក្សា​​ជាមួយលោក​​ រ៉េ​សិប តៃយីប អេ​រ​ដូហ្គែន​​។ រូបថត AFP

មន្ទីរ​បញ្ចកោណ​ថា ​ខ្លួន​មិន​អនុញ្ញាត​​ឲ្យ​មាន​​​កិច្ច​ប្រតិបត្តិការ​របស់​តួកគី ​នៅ​ស៊ីរី​ភាគ​ខាង​ជើង​ទេ​

ក្រុង​វ៉ាស៊ីនតោន៖ ​លោក​ប្រធានាធិបតី​អាមេរិក ​ដូណាល់​ ត្រាំ ​បាន​ថ្លែង​កាល​ពី​ថ្ងៃ​ចន្ទ​ថា ​មន្ទីរ​បញ្ចកោណ​មិន​អនុញ្ញាត​ឲ្យ​មាន​កិច្ច​ប្រតិបតិ្តការ​របស់​តួកគី​នៅ​ប្រទេស ​ស៊ីរី​ភាគ​ខាង​ជើង ​ទេ ​ដោយ​ព្រមាន​ក្រុង​អង់ការ៉ា​អំពី​លទ្ធភាព​នៃ​ការ​បង្ក​ផល​វិបាក​យ៉ាង​ច្រើន​។

នៅ​ក្នុង​សេចក្តី​ថ្លែងការណ៍​មួយ​មន្ទីរ​បញ្ចកោណ​បាន​ថ្លែង​ថា៖ ​«ក្រសួង​ការពារ​ជាតិ​បាន​បញ្ជាក់​ចំពោះ​តួកគី​យ៉ាង​ច្បាស់​ថា ​យើង​មិន​អនុញ្ញាត​ឲ្យ​មាន​កិច្ច​ប្រតិបត្តិការ​របស់​តួកគី​នៅ​ក្នុង​ប្រទេស ​ស៊ីរី​ភាគ​ខាង​ជើង ​ទេ​»។​

សេចក្តី​ថ្លែងការណ៍​នោះ​ក៏​បាន​បញ្ជាក់​ថា ​លោក​រដ្ឋមន្ត្រី​ការពារ​ជាតិ​ Mark Esper ​និង​ប្រធាន​សេនាធិការ​ចម្រុះ​លោក​ Mark Milley ​បាន​ក្រើន​រំឭក​សមភាគី​តួកគី​របស់​ពួក​គេ​​ថា ​វិធានការ​ឯកតោ​ភាគី​នឹង​​​នាំ​ឲ្យ​មាន​គ្រោះ​ថ្នាក់​យ៉ាង​ច្រើន​ដល់​ប្រទេស ​តួកគី​។ ​

សេចក្តី​ថ្លែងការណ៍​ដដែល​បាន​និយាយ​ថា៖ ​«យើង​នឹង​ធ្វើ​ការ​ជាមួយ​ក្រុម​សម្ព័ន្ធ​មិត្ត​ណាតូ​ និង​ក្រុម​ដៃ​គូ​ចម្រុះ​របស់​យើង​ ដើម្បី​ឆ្លើយ​តប​ទៅ​នឹង​លទ្ធភាព​បង្ក​ផលវិបាក​ជា​ច្រើន​នៃ​សកម្មភាព​ដ៏​មាន​សក្តានុពល​​ចំពោះ​ប្រទេស ​តួកគី ​ក្នុង​តំបន់ ​និង​ហួស​ពី​ទី​នេះ​ទៅ​ទៀត​នោះ»។

សេតវិមាន​បាន​ថ្លែង​នៅ​ក្នុង​សេចក្តី​ថ្លែង​ការណ៍​មួយ​កាល​ពី​ល្ងាច​ថ្ងៃ​អាទិត្យ​ថា ​តួកគី​នឹង​ចាប់​ផ្តើម​ធ្វើ​ការ​វាយ​លុក​នៅ​ស៊ីរី​ភាគ​ខាង​ជើង​នៅ​ពេល​ឆាប់ៗ​នេះ​ ចំណែក​កង​​កម្លាំង​របស់​អាមេរិក​នឹង​ដក​ចេញ​ពី​តំបន់​នោះ​ភ្លាមៗ​ដែរ​។​
លោក​​ ​ត្រាំ ​កាល​ពី​ថ្ងៃ​ចន្ទ​បាន​ថ្លែង​ការ​ពារការ​សម្រេច​ចិត្ត​របស់​លោក​ក្នុង​ការ​ដក​ទ័ព​ចេញ​ពី​ស៊ីរី​ភាគ​ខាង​ជើង​៕​ Xinhua/PSA

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។