The Phnom Penh Post Search

Search form




Logo of Phnom Penh Post newspaper Phnom Penh Post - មន្ទីរ​បញ្ច​កោណៈ កូរ៉េខាងត្បូង-អាមេរិក​ ពិចារណា​ការ​ធ្វើ​សម​យុទ្ធ​យោធា​រួមគ្នា​ជាថ្មី

មន្ទីរ​បញ្ច​កោណៈ កូរ៉េខាងត្បូង-អាមេរិក​ ពិចារណា​ការ​ធ្វើ​សម​យុទ្ធ​យោធា​រួមគ្នា​ជាថ្មី

Content image - Phnom Penh Post
ទាហា​នម៉ារីនកូរ៉េ​ខាងត្បូង​ដើរ​ឆ្លង​​កាត់​ផ្លូវ​មួយ​ក្រោយពីមក​ដល់កំពង់​ផែ​​មួយ​​នៅក្នុង​អំឡុង​សមយុទ្ធ​យោធា​​នៅ​ក្រុង Pohang កាលពីខែ​មេសា។ AFP

មន្ទីរ​បញ្ច​កោណៈ កូរ៉េខាងត្បូង-អាមេរិក​ ពិចារណា​ការ​ធ្វើ​សម​យុទ្ធ​យោធា​រួមគ្នា​ជាថ្មី

ក្រុង​វ៉ាស៊ីនតោនៈ មន្ត្រី​មន្ទីរបញ្ច​កោណ​ម្នាក់ បាន​ថ្លែង​កាល​ពី​ថ្ងៃ​អង្គារ​ថា កូរ៉េខាងត្បូង និង​អាមេរិក បន្ត​ពិចារណា​ផែនការ​សម្រាប់​ការ​ធ្វើ​សម​យុទ្ធ​យោធា​រួម​គ្នា​នៅ​ឆ្នាំ​ក្រោយ ដើម្បី​ចៀស​វាង​ធ្វើ​ឲ្យ​ប៉ះពាល់​ដល់​កិច្ច​ចរចា​ស្តីពី ការ​លុប​បំបាត់​នុយក្លេអ៊ែរ ជាមួយ​កូរ៉េខាងជើង។

សម្ព័ន្ធមិត្ត​ទាំង ២ បាន​ផ្អាក​ឬ កាត់បន្ថយ​សមយុទ្ធធំៗ​មួយ​ចំនួន ចាប់​តាំង​ពី​ប្រធានា​ធិបតី​អាមេរិក លោក ដូណាល់ ត្រាំ និង មេដឹកនាំ​កូរ៉េខាងជើង​លោក គីម ជុងអ៊ុន បាន​ឯកភាព​គ្នា​កាល​ពី​ខែ​មិថុនា ដើម្បី​ឈាន​ទៅ​រក​ការ​លុប​បំបាត់ អាវុធ​នុយក្លេអ៊ែរ​ពី​ឧបទ្វីប​កូរ៉េ​ទាំង​ស្រុង។

វិធានការ​នោះ​ត្រូវបាន​គេ​មើលឃើញថា ជា​សម្បទាន​មួយ​ចំពោះ​កូរ៉េខាងជើង ដែល​បាន​ចាត់​ទុក​សម​យុទ្ធ​យោធា​នោះ​ថា ជា​ការ​ឈ្លាន​ពាន​ប្រឆាំង​នឹង​របប​នោះ។

សម្ព័ន្ធមិត្ត​នេះ​បាន​ព្រមព្រៀង​សម្រេចចិត្ត​ចុងក្រោយ​ទៅលើ​សមយុទ្ធ​យោធា​ទ្រង់​ទ្រាយ​ធំ​សម្រាប់​ឆ្នាំ​ក្រោយ​នៅ​មុន​ថ្ងៃ​ទី ១ ខែ​ធ្នូ ។

អ្នកនាំពាក្យ មន្ទីរ​បញ្ច​កោណ​លោក​វរសេនីយ៍ទោ Chris Logan បាន​ថ្លែង​ប្រាប់​សារ​ព័ត៌មាន Yonhap ថា គ្មាន ការ​សម្រេច​ចិត្ត​ជា​ចុង​ក្រោយ ត្រូវ​បាន​ធ្វើ​ឡើង​ឡើយ។ លោក​បាន​បន្ត​ថា៖ «យើង​នឹង​បន្ត​សហការ​ជាមួយ​សម្ព័ន្ធ​សាធា​រណ​រដ្ឋ​កូរ៉េ​របស់​យើង ដើម្បី​ធានា​ឲ្យ​មាន​ការ​ត្រៀម​ប្រយុទ្ធ ដែរ ខណៈ​មាន​ការ​គាំទ្រ​ដល់​ដំណើរការ​ការទូត​នោះ»។

កាលពី​ចុង​សប្តាហ៍​មុននេះ លោក ដូ​ណា​ល់ ត្រាំ បាន​ថ្លែងថា លោក រំពឹងទុក​ថា នឹង​មាន​ជំនួប​លើក​ទី ២ ជាមួយ​លោក​គីម ជុង​អ៊ុន នៅ​ក្នុង​ខែ​មករា ឬ​ខែ​កុម្ភៈ​ខាង​មុខ។

ទន្ទឹមគ្នា​នោះ កិច្ចចរចា​រវាង​ក្រុង​វ៉ាស៊ីនតោន និង​ក្រុង​ព្យុងយ៉ាង​មានការ​រីកចម្រើន​តិច​តួច​ចាប់​តាំង​ពី​ជំនួប​លើក​ទី ១ កាល​ពី​ខែ​មិថុនា។ អាមេរិក​ចង់​ឲ្យ​កូរ៉េខាងជើង​ចាត់​វិធានការ​បន្ថែម​ទៀត​ក្នុង​ការ​បំផ្លាញ​ចោល​កម្មវិធី​នុយក្លេអ៊ែរ និង​មីស៊ីល​បាលីស្ទិក ខណៈ​កូរ៉េខាងជើង​បាន​អំពាវនាវ​ឲ្យ​បន្ធូរ​បន្ថយ​ទណ្ឌកម្ម​នោះ៕

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។