.jpg)
ទឹកដក់ក្នុងថ្លុកនៅក្នុងជំរំជនភៀសខ្លួនរ៉ូហ៊ីងយ៉ាក្រោយពេលភ្លៀងនៅក្នុងស្រុកបាហ្សារ។ AFP
ក្រុងដាក្កាៈ ក្រុមអ្នកធ្វើការងារផ្នែកជំនួយ បាននិយាយកាលពីថ្ងៃព្រហស្បតិ៍ថា ភ្លៀងដំបូង បានធ្វើឲ្យជន់លិចផ្នែកជាច្រើននៃជំរំរ៉ូហ៊ីងយ៉ានានា ដែលមនុស្សច្រើនកកកុញនៅក្នុងប្រទេសបង់ក្លាដែស ដោយបង្កឲ្យមានការខូចខាត និងការព្រួយបារម្ភចំពោះជនភៀសខ្លួនជិតមួយលាននាក់ នៅមុនរដូវវស្សា។
ភ្លៀងរយៈពេលខ្លី ប៉ុន្តែភ្លៀងធ្លាក់ខ្លាំង បានធ្វើឲ្យផ្លូវជាច្រើនក្លាយជាភក់ជ្រាំនៅក្នុងជំរំជនភៀសខ្លួនធំបំផុតនៅក្នុងពិភពលោក ដោយបានបង្កឧបសគ្គដល់កិច្ចប្រឹងប្រែងផ្តល់ជំនួយ និងបង្កគ្រោះថ្នាក់ដល់ជនភៀសខ្លួនរ៉ូហ៊ីងយ៉ា ដែលបានស្វែងរកការជ្រកកោនពីអំពើហឹង្សានៅមីយ៉ាន់ម៉ា។
លោក Fiona MacGregor អ្នកនាំពាក្យនៃអង្គការចំណាកស្រុកអន្តរជាតិនៅក្រុងបាហ្សារ ជាទីដែលជំរំច្រើនស្ថិតនៅ។
ទីភ្នាក់ងារមនុស្សធម៌នានា បានព្រមានជាច្រើនខែហើយអំពីគ្រោះថ្នាក់បង្កឡើងដោយភ្លៀងរដូវវស្សាចំពោះសុខុមាលភាពរបស់ក្រុមជនភៀសខ្លួន ដែលរស់នៅក្នុងជំរំប្រក់តង់នៅក្បែរជើងភ្នំ ។
បាក់ដី និងទឹកជំនន់ ដែលបណ្តាលមកពីព្យុះមូសុងកម្លាំងខ្លាំង អាចបង្កឲ្យមនុស្សស្លាប់នៅបង់ក្លាដែសភាគអាគ្នេយ៍៕ PSA
