The Phnom Penh Post Search

Search form




Logo of Phnom Penh Post newspaper Phnom Penh Post - មីយ៉ាន់ម៉ា​​បញ្ជូន​រ៉ូហ៊ីងយ៉ា​ជិត ​២០០ នាក់ ទៅ​ជំរំ​នានា​នៅ​ក្នុង​ខេត្ត​រ៉ាក់ឃីន​

មីយ៉ាន់ម៉ា​​បញ្ជូន​រ៉ូហ៊ីងយ៉ា​ជិត ​២០០ នាក់ ទៅ​ជំរំ​នានា​នៅ​ក្នុង​ខេត្ត​រ៉ាក់ឃីន​

Content image - Phnom Penh Post
ជនរ៉ូហ៊ីងយ៉ា​ដែលត្រូវ​បានចាប់ខ្លួនកា​លពីពាក់កណ្តាលខែ​ធ្នូ ដើរ​នៅ​ឆេ្នរ​សមុទ្រ​។ AFP

មីយ៉ាន់ម៉ា​​បញ្ជូន​រ៉ូហ៊ីងយ៉ា​ជិត ​២០០ នាក់ ទៅ​ជំរំ​នានា​នៅ​ក្នុង​ខេត្ត​រ៉ាក់ឃីន​

ក្រុង​ស៊ីតធ្វី៖ ក្រុម​មន្ត្រី​បាន​និយាយ​កាល​ពី​ថ្ងៃ​ចន្ទ​ថា ​ជន​មូស្លីម​រ៉ូហ៊ីងយ៉ា​ជិត ​២០០ ​នាក់ ​ដែល​ត្រូវ​បាន​ចាប់​ខ្លួន​នៅ​សមុទ្រ​កាល​ពី​ខែ​ធ្នូ​ ឆ្នាំ ​២០១៩ ​ដោយ​ទាហាន​ជើង​ទឹក​របស់​មីយ៉ាន់ម៉ា ​ក្រោយ​ពី​ធ្វើ​ដំណើរ​បាន​ប៉ុន្មាន​​រយ​គីឡូ​ម៉ែត្រ​ ត្រូវ​បាន​បញ្ជូន​ត្រឡប់​ទៅ​ខេត្ត​រ៉ាក់ឃីន​វិញ​។ ​

ទឹក​នៅ​ក្នុង​រដូវ​នេះ ​មាន​សភាព​ស្ងប់​ត្រូវ​បាន​គេ​ឃើញ​មាន​ការ​កើន​ឡើង​ចំនួន​ជន​រ៉ូហ៊ីងយ៉ា​ ដែល​​​ផ្ញើ​ជីវិត​របស់​ពួក​គេ​ទៅ​លើ​ក្រុម​អ្នក​ជួញដូរ​មនុស្ស​នៅ​ក្នុង​កិច្ច​ប្រឹងប្រែង​មួយ​​​ដ៏​អស់​សង្ឃឹម ដើម្បី​ទៅ​ដល់​ប្រទេស ​ម៉ាឡេស៊ី ​ឬឥណ្ឌូនេស៊ី​តាម​ទូក​។​

ប៉ុន្តែ​មាន​ជន​រ៉ូហ៊ីងយ៉ា​តិចតួច​ទេ​ទៅ​ដល់​ឆ្នេរ​សមុទ្រ​ Kawthaung ​នៅ​ចុង​ខាង​ត្បូង​នៃ​ប្រទេស ​មីយ៉ាន់ម៉ា ​ជា​ទី​ដែល​មនុស្ស ​១៧៣ ​នាក់ ​ត្រូវ​គេ​ចាប់​ខ្លួន​កាល​ពី​ពាក់​កណ្តាល​ខែ​ធ្នូ​ ឆ្នាំ ​២០១៩ ​កន្លង​ទៅ​នោះ​។​

រូបភាព​ជា​ច្រើន​ដែល​ត្រូវ​បាន​គេ​ថត​កាល​ពី​ថ្ងៃ​ចន្ទ ​បាន​បង្ហាញ​ឲ្យ​ឃើញ​បុរស ​១៧ ​នាក់ ​ស្ត្រី ​និង​ក្មេងៗ​មាន​ទឹក​មុខ​ស្លេកស្លាំង​អស់​កម្លាំង ​ខណៈ​ដែល​ពួក​គេ​ឡើង​ចេញ​ទូក​ឈើ ​១ ​គ្រឿង ​នៅ​លើ​ឆ្នេរ​ក្បែរ​រដ្ឋធានី​ស៊ីតធ្វី​​​នៃ​រដ្ឋ​រ៉ាក់ឃីន​។

ដោយ​បាន​ពាក់​លេខ​សម្គាល់​នៅ​នឹង​ក​របស់​ពួក​គេ​នោះ ​ពួក​គេ​បាន​ឈរ​តម្រង់​ជួរ​នៅ​លើ​វាល​ខ្សាច់​ ដោយ​មាន​កាន់​របស់​របរ​របស់​ពួក​គេ​ នៅ​មុន​ពេល​ប៉ូលិស​ប្រដាប់​អាវុធ​អម​ការពារ​យក​ចេញ​ទៅ​។

រដ្ឋមន្ត្រី​ទទួល​បន្ទុក​សន្តិសុខ​ និង​កិច្ច​ការ​ព្រំដែន​នៃ​រដ្ឋ​រ៉ាក់ឃីន​បាន​ថ្លែង​ថា ពួក​គេ​ទាំង​អស់​គ្នា​ត្រូវ​បាន​គេ​បញ្ជូន​ទៅ​ជំរំ​ Thechaung ​ខណៈ​ដែល​នៅ​សល់​ ១៥៦ ​នាក់​ផ្សេង​​ទៀត​ ត្រូវ​បាន​ដឹក​បន្ត​ឲ្យ​ទៅ​រស់នៅ​ក្នុង​​ជំរំ​​ Ngakhuya​ នៅ​ក្នុង​ទីក្រុង​ Maungdaw​។

ជំរំ​ Ngakhuya ​គឺ​ជា​កន្លែង​រៀបចំ​ដំណើរការ​សម្រាប់​ការ​បញ្ជូន​ជន​ភៀស​ខ្លួន​ នៅ​ព្រំដែន​បង់ក្លាដែស​ត្រឡប់​ទៅ​​វិញ​៕ AFP/PSA

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។