The Phnom Penh Post Search

Search form

មីយ៉ាន់ម៉ា ​ត្រូវ​រងការ​ស្តីបន្ទោស​ចំពោះ​ការបដិសេធ​ មិន​ផ្តល់​ទិដ្ឋាការ​ឲ្យ​ក្រុម​ស៊ើបអង្កេត​ អ.ស.ប.

Content image - Phnom Penh Post
សកម្មជន​សិទ្ធិ​មនុស្ស​​អ្នករាយការណ៍​ពិសេសអ.ស.ប.លោក​ស្រី Yanghee Lee មកដល់​។ AFP

មីយ៉ាន់ម៉ា ​ត្រូវ​រងការ​ស្តីបន្ទោស​ចំពោះ​ការបដិសេធ​ មិន​ផ្តល់​ទិដ្ឋាការ​ឲ្យ​ក្រុម​ស៊ើបអង្កេត​ អ.ស.ប.

ក្រុងហ្សឺណែវៈ ក្រុម​សកម្មជន​បាន​និយាយ​កាល​ពីថ្ងៃ​ពុធ​ថា រដ្ឋាភិបាល​របស់លោក​ស្រី​អ៊ុង សានស៊ូជី​ត្រូវ​រងការ​គាបសង្កត់​ដោយ​រដ្ឋ​ក្រៅ​ក្រុម​ដូច​កូរ៉េខាងជើង និង​ស៊ីរ៊ី​​ជុំវិញ​ការបដិសេធ​មិន​ផ្តល់​ទិដ្ឋាការ​ឲ្យក្រុម ​អ.ស.ប. ដែល​ធ្វើការ​ស៊ើបអង្កេត​ក្នុង​ករណី​ធ្វើទុក្ខ​បុកម្នេញ​លើ​ជនជាតិ​ភាគតិច​មូស្លីម​រ៉ូហ៊ីងយ៉ា​នៅ​ក្នុង​ប្រទេស​នេះ។

រដ្ឋាភិបាល​ស៊ីវិល​របស់​លោក​ស្រី បាន​និយាយ​កាលពី​ថ្ងៃទី ៣០ មិថុនា​ថា អ្នកស៊ើប​អង្កេត ៣ នាក់​នោះ ត្រូវបាន​ចាត់តាំង​ដោយ​ក្រុមប្រឹក្សា​សិទ្ធិមនុស្ស​អ.ស.ប. មិន​ត្រូវបាន​ស្វាគមន៍​ឡើយ​ដោយ​បាន​បញ្ជាក់​ថា ខ្លួន​កំពុង​ធ្វើការ​ស៊ើបអង្កេត​ដោយ​ផ្ទាល់​លើ​អំពើ​ឃោរឃៅ​ប្រឆាំង​នឹង​ក្រុម​ជនជាតិ​ភាគតិច​នេះ​ដែល​ត្រូវបាន​គេ​ចោទប្រកាន់​នោះ។

នៅក្នុង​សេចក្តី​ថ្លែងការណ៍​មួយ លោក John Fisher ជា​ប្រធាន​អង្គការ​ឃ្លាំមើល​សិទ្ធិមនុស្ស​នៅ​ក្រុង​ហ្សឺណែវ​បាន​ថ្លែងថា ការបដិសេធ​នោះបាន​បង្កើនការ​លំបាក​ចំពោះ​ក្រុម​ជនរងគ្រោះ​ដែល​រងការ​រំលោភ​បំពាន​ដោយ​កងកម្លាំង​សន្តិសុខ​រដ្ឋ​នៅ​មីយ៉ាន់ម៉ា។

លោក​បាន​សួរថា «តើ​រដ្ឋាភិបាល​របស់​លោក​ស្រី​អ៊ុង សានស៊ូជី​ពិតជា​ត្រូវបាន​គេរាប់​បញ្ជូល​នៅក្នុង​ក្រុម​នៃ​ប្រទេស​មួយ​ចំនួន​ដែល​ទាត់ចោល​សេចក្តី​សម្រេច​របស់​ក្រុម​ប្រឹក្សា​សិទ្ធិមនុស្ស​ដែរឬ​យ៉ាងណា​នោះ?» «កូរ៉េខាងជើង អេរីត្រេ ស៊ីរី និង​ប៊ូរុនឌី គឺជា​រដ្ឋ​មិន​គោរព​សិទ្ធិ​មនុស្ស ដែល​បាន​រារាំង​កិច្ចការងារ​ស៊ើបអង្កេត​ឯករាជ្យ​ទៅ​លើការ​រំលោភ​សិទ្ធិមនុស្ស ហើយវា​នឹង​កា្លយ​ជាការ​សើច​ចំអក​ចំពោះ​រដ្ឋាភិបាល​ដឹកនាំ​ដោយ​គណបក្ស​សម្ព័ន្ធជាតិ​ដើម្បី​លទ្ធិ​ប្រជាធិបតេយ្យ​នោះ ដែល​បានធ្វើ​ដូចគ្នា​ដែរ​នោះ»៕

អត្ថបទគួរចាប់អារម្មណ៍

  • គម្រោង​ធំៗ​ជាច្រើន​អាច​នឹង​លេច​ឡើង​នៅ​តាម​មាត់ទន្លេ

    ក្រុមហ៊ុន​អភិវឌ្ឍន៍​ដ៏ធំ​មួយ​របស់​ចិន​មាន​ប្លង់​រចនា​ក្នុង​ការ​អភិវឌ្ឍ​នៅ​តាម​បណ្តោយ​ឆ្នេរ​ទន្លេ​ដែល​គម្រោង​នោះ​រួម​មាន​ខុនដូ​ប្រណីត អគារ​ការិយាល័យ ខណៈ​បច្ចុប្បន្ន​ទីតាំង​នោះ​ត្រូវ​បាន​គ្រប់គ្រង​ដោយ​កំពង់ផែ​ស្វយ័ត​រាជធានី​ភ្នំពេញ​។

  • ស្ថាបត្យកម្ម និង​វិចិត្រសិល្បៈ គឺ​មិន​អាច​ញែក​ដាច់​ពី​គ្នា​បាន​ឡើយ

    នៅក្នុង​បន្ទប់​សិក្សា​ក្នុង​ផ្ទះ​ធំ​មួយ​នៅ​តាម​មាត់ទន្លេ​ក្នុង​រាជធានី​ភ្នំពេញ លោក ថាង សុធា វ័យ​ ៣៥ ​ឆ្នាំ​កំពុង​ពិនិត្យ​មើល​ប្លង់​រចនា 3D របស់​បន្ទប់​គេង​នៃ​អាផាតមិន​មួយ​ដែល​ជា​ផ្នែក​នៃ​គម្រោង​កែលម្អ​ចុងក្រោយ​បំផុត​ដែល​លោក​បាន​ចូលរួម​ធ្វើ​កាលពី​ប៉ុន្មាន​ឆ្នាំ​មុន នៅ​លើ MacBook ដើម្បី​បំផុស​គំនិត​សម្រាប់​ការងារ​នាពេល​អនាគត​។

  • ត្រី​ចិញ្ចឹម​ប្រមាណ​ ១២ ​តោន​ងាប់​ដោយ​កម្ដៅ​ពេល​ទឹក​ស្រក

    កំពង់ឆ្នាំងៈ យ៉ាង​ហោចណាស់​ត្រី​ចិញ្ចឹម​តាម​ដង​ទន្លេ​ស្ថិត​ក្នុង​សង្កាត់​ខ្សាម និង​ផ្សារឆ្នាំង ខេត្ត​កំពង់ឆ្នាំង​ប្រមាណ​ជា​ ១២ ​ពាន់​គីឡួ​បាន​ងាប់​ក្នុង​រយៈពេល​ ៣ ​ថ្ងៃ ព្រោះ​តែ​ទឹក​បាន​ស្រក​ចុះ​ជា​គំហុក និង​ក្ដៅ​ខ្លាំង​។ នេះ​បើ​យោង​តាម​ការរៀបរាប់​របស់​ប្រជានេសាទ​ក្នុង​តំបន់​នោះ​ដែល​មាន​ប្រមាណ​ជា​ ៧០ ​គ្រួសារ​។

  • ព្រះរាជអាជ្ញា​ភ្ជាប់​រឿង​ហិង្សា​នៅ​ស្ពាន​នាគ​ជា​ចលនា​បដិវត្តន៍​ពណ៌

    ភ្នំពេញៈ សាលាឧទ្ធរណ៍​នៅ​ព្រឹក​ថ្ងៃ​ពុធ​ម្សិលមិញ​បាន​បញ្ចប់​សវនការ​ជំនុំជម្រះ​សំណុំ​រឿង​ហិង្សា​នៅ​ស្ពាន​នាគ​កាលពី​ខែ​កក្កដា ឆ្នាំ ២០១៤ ដោយ​ព្រះរាជអាជ្ញា និង​មេធាវី​ការពារ​ដើមបណ្ដឹង​សម្រេច​ភា្ជប់​ករណី​ហិង្សា​នោះ​ទៅ​នឹង​បដិវត្តន៍​ពណ៌ បន្ទាប់ពី​សវនការ​រយៈពេល​ ៣ ​ថ្ងៃ​ជាប់ៗ​គ្នា​។ ទោះ​ជា​យ៉ាងណា​ក៏ដោយ​ភាគី​ជនរងគ្រោះ​ថា​គ្មាន​អំពើ​កុបកម្ម​កើតឡើង​ទេ​ និង​ស្នើ​ដល់​តុលាការ​ឲ្យ​ដោះលែង​ពួកគេ​។