.jpg)
ប៉ូលិសមីយ៉ាន់ម៉ាចេញមកបង្ក្រាបក្រុមបាតុករនាពេលកន្លងមក។ រូបថត AFP
សាក្សីបាននិយាយថា ប៉ូលិសមីយ៉ាន់ម៉ាបានបាញ់គ្រាប់បែកផ្សែងបំបែកក្រុមបាតុករកាលពីថ្ងៃអង្គារ ទី ២ ខែមីនា ខណៈដែលរដ្ឋមន្ត្រីការបរទេសនៃប្រទេសជិតខាង គ្រោងនឹងធ្វើកិច្ចចរចាជាមួយយោធាមីយ៉ាន់ម៉ាក្នុងគោលបំណងដើម្បីលុបបំបាត់អំពើហិង្សា និងស្វែងរកដំណោះស្រាយឱ្យរួចផុតចេញពីវិបត្តិ។
កិច្ចពិភាក្សានេះនឹងគ្រោងធ្វើឡើងតាមរយៈវីដេអូរយៈពេល ២ ថ្ងៃ បន្ទាប់ពីមានភាពវឹកវរដ៏បង្ហូរឈាមខ្លាំងបំផុត ចាប់តាំងពីមានការប៉ះទង្គិចគ្នាអស់រយៈពេលជិត ១ ខែមក។
យ៉ាងណាមិញមិនមានរបាយការណ៍ណាបង្ហាញថា មានអ្នករងរបួសនៅក្នុងទីក្រុងយ៉ាំងហ្គោនទេ ប៉ុន្តែមនុស្ស ៤ នាក់ បានរងរបួសនៅភាគពាយព្យនៃទីប្រជុំជន ខណៈដែលប៉ូលិសបានបាញ់គ្រាប់កាំភ្លើង ដើម្បីបំបែកហ្វូងមនុស្ស បន្ទាប់ពីក្រុមអ្នកតវ៉ាបានគប់វត្ថុជាច្រើនសំដៅទៅប៉ូលិស៕
