.jpg)
កាលពីថ្ងៃអង្គារ ទី ១៩ មករា នាយករដ្ឋមន្ត្រីថៃលោក Prayuth Chan-ocha ព្រមានដាក់ទោសទៅអ្នកដែលចែករំលែកព័ត៌មានក្លែងក្លាយពីវ៉ាក់សាំងកូវីដ ១៩ នៅក្នុងសង្គម។ ការព្រមានរបស់នាយករដ្ឋមន្ត្រីរូបនេះ គឺកើតមានឡើងបន្ទាប់ពីអតីតមេដឹកនាំនៃគណបក្សឆ្ពោះទៅមុខ (Future Forward Party) ដែលត្រូវបានរំលាយបានចោទប្រកាន់រដ្ឋាភិបាលថា បានធ្វើសកម្មភាពយឺតពេកក្នុងការចែកវ៉ាក់សាំងទៅប្រជាជន។
ការព្រួយបារម្ភជាប់ទាក់ទងនឹងវ៉ាក់សាំងកូវីដ ១៩ នេះ បានចាប់ផ្តើមឡើងកាលពីខែមុនបន្ទាប់ពីប្រទេសថៃ មានការកើនឡើងនូវចំនួននៃករណីឆ្លងវីរុសគួរឱ្យកត់សម្គាល់។
ក្រសួងសេដ្ឋកិច្ចឌីជីថល និងសង្គម (Digital Economy and Society Ministry) បាននិយាយថា នឹងដាក់ពាក្យបណ្តឹងលោក Thanathorn ពីបទបរិហារកេរ្តិ៍រាជាធិបតេយ្យ។ ការប្តឹងនោះ គឺពាក់ព័ន្ធនឹងការអត្ថាធិប្បាយរបស់លោក Thanathorn ដែលបាននិយាយទាក់ទងនឹងយុទ្ធសាស្ត្រការចែកចាយវ៉ាក់សាំងរបស់រដ្ឋាភិបាល៕
