ក្រុងគូឡាឡាំពួៈ ប្រទេសម៉ាឡេស៊ី បានថ្លែងកាលពីថ្ងៃអង្គារថា ប្រទេសខ្លួននឹងបញ្ជូនក្រុមជនភៀសខ្លួនរ៉ូហ៊ីងយ៉ារាប់រយនាក់ ដែលបានទៅដល់ប្រទេសម៉ាឡេស៊ី តាមទូកនៅសប្តាហ៍នេះត្រឡប់ទៅវិញ ក្រោយពីពួកគេ បានជាប់តែលតោល នៅក្នុងសមុទ្រអស់ជាច្រើនខែ ខណៈមានការព្រួយបារម្ភថា ក្រុមភៀសខ្លួនទាំងនេះ អាចមានផ្ទុករលកវីរុសកូរ៉ូណាថ្មីចូលក្នុងប្រទេសនេះ។
ប្រទេសមួយនេះ គឺជាគោលដៅមួយ សម្រាប់ធ្វើទុក្ខបុកម្នេញជនជាតិភាគតិចមូស្លីម មកពីប្រទេសមីយ៉ាន់ម៉ា ភាគច្រើនកាន់ពុទ្ធសាសនា ដោយមានមនុស្សរាប់ពាន់នាក់ បានប្រថុយជីវិតរបស់ពួកគេ នៅក្នុងការឆ្លងសមុទ្រដ៏គ្រោះថ្នាក់ ជារៀងរាល់ឆ្នាំ។
ពួកគេតាមធម្មតាបានធ្វើដំណើរចេញពីប្រទេសមីយ៉ាន់ម៉ា ឬបង់ក្លាដែស ជាទីកន្លែងដែលមានមនុស្សប្រហែល១លាននាក់ បានរស់នៅក្នុងជំរំជនភៀសខ្លួនដ៏កខ្វក់ ក្រោយពីពួកគេបានរត់ភៀសខ្លួន ចេញពីការបង្ក្រាបយោធាកាលពីឆ្នាំ ២០១៧ នៅក្នុងស្រុកកំណើតរបស់ពួកគេ។
ប៉ុន្តែអាជ្ញាធរម៉ាឡេស៊ី បានពង្រឹងយាមល្បាតតាមដែនសមុទ្រ នៅក្នុងរយៈពេលប៉ុន្មានខែថ្មីៗនេះ នៅក្នុងការទប់ស្កាត់ពួកគេ មិនឲ្យចូលចតក្នុងទឹកដីម៉ាឡេស៊ី ជុំវិញមានការព្រួយបារម្ភថា ពួកគេអាចផ្ទុកវីរុសកូរ៉ូណានោះ៕SK