ឯកអគ្គរដ្ឋទូតស៊ែប៊ីប្រចាំនៅប្រទេសម៉ុងតេណេហ្គ្រោ លោក Vladimir Bozovic ត្រូវបានរដ្ឋាភិបាលម៉ុងតេណេហ្គ្រោប្រកាសថា ជា «មនុស្សមិនស្មោះត្រង់»។ ខណៈ ពេលម៉ុងតេណេហ្គ្រោត្រៀមរៀបចំរដ្ឋាភិបាលថ្មីចូលដឹកនាំប្រទេសលោកប្រធានាធិបតី Milo Djukanovic បានចោទឯកអគ្គរដ្ឋទូត ស៊ែប៊ីរូបនេះថា បានជ្រៀតជ្រែកចូលកិច្ចការផៃ្ទកុ្នងរបស់ប្រទេសម៉ុងតេណេហ្គ្រោ ហើយបានបញ្ជាឱ្យចាកចេញពីប្រទេសក្នុងរយៈពេល ៧២ ម៉ោង។
ក្រសួងការបរទេសម៉ុងតេណេហ្គ្រោបាននិយាយកាលពីថៃ្ងទី ២៨ វិចិ្ឆកា ថា ការបណ្តេញចេញ លោក Bozovic គឺជាការឆ្លើយតបទៅនឹងអាកប្បកិរិយា និងសេចក្តីថ្លែងការណ៍របស់លោកដែលមិនស្របនឹងស្តង់ដាការទូត និងមិនអាចទទួលយកបាន។ ក្រសួងបានចង្អុលបង្ហាញទាក់ទិននឹងសេចក្ដីថ្លែងការណ៍ស្ដីពីការសរសើរនាពេលថ្មីៗរបស់ លោក Bozovic ចំពោះសន្និបាត Podgorica ឆ្នាំ ១៩១៨។
សន្និបាត Podgorica គឺជាសន្និបាតពិសេសមួយដែលត្រូវបានកោះប្រជុំនៅខែវិច្ឆិកា ឆ្នាំ ១៩១៨ នៅម៉ុងតេណេហ្គ្រោ ដោយអាជ្ញាធរស៊ែប៊ីបន្ទាប់ពីសង្គ្រាមលោកលើកទី១។ គោលដៅនៃការបង្រួបបង្រួមជាផ្លូវការនេះ ត្រូវបានរៀបចំឡើងដោយគណៈកម្មាធិការមួយ ដែលតែងតាំងដោយរដ្ឋាភិបាលស៊ែប៊ី។ ភាគីប្រឆាំងទាំង ២ ត្រូវបានគេស្គាល់ថា «បៃតង» និង «ស្បែកស» គាំទ្រដល់សម្ព័ន្ធភាព (ឯករាជភាព) និងការបង្រួបបង្រួម (ការបញ្ចូលគ្នា) រៀងៗខ្លួន។
សន្និបាតបានបញ្ចប់ការសម្រេចចិត្តដោយបញ្ចូលគ្នាវាងម៉ុងតេណេហ្គ្រោជាមួយស៊ែប៊ី។ តែគម្លាតការទូតរវាងប្រទេសទាំង ២ បានចាប់ផ្ដើមកាលពីថ្ងៃសៅរ៍ទី ២៩ វិច្ឆិកា នៅពេលម៉ុងតេណេហ្គ្រោប្រកាសថា ឯកអគ្គរដ្ឋទូតស៊ែប៊ីលោក Vladimir Bozovic ជាមនុស្សមិនស្មោះត្រង់។ ប៉ុន្មានម៉ោងក្រោយមក ស៊ែប៊ីបាននិយាយថា ខ្លួនបានឆ្លើយតបទៅវិញ ដោយប្រកាសថា ឯកអគ្គរដ្ឋទូតម៉ុងតេណេហ្គ្រោ លោក Tarzan Milosevic ក៏ ជា មនុស្សមិនស្មោះត្រង់ និងបណ្ដេញចេញពីប្រទេសដូចគ្នា។ ហេតុការណ៍នេះបានធ្វើឱ្យទំនាក់ទំនងកាន់តែតានតឹងរវាងរដ្ឋបាលប្រទេសទាំង ២។
គួរជម្រាបជូនថា សភាម៉ុងតេណេហ្គ្រោបានប្រកាសពីការសម្រេចចិត្តនៅឆ្នាំ ២០១៨ ដោយនិយាយថា ខ្លួនបានដកហូតអធិបតេយ្យភាពរបស់ប្រទេសនេះ។ លោក Boris Raonic ប្រធានអង្គការសម្ព័ន្ធមិត្តពលរដ្ឋស៊ីវិលម៉ុងតេណេហ្គ្រោបាននិយាយថា ការបណ្តេញ លោក Bozovic មិនមានការភ្ញាក់ផ្អើលនោះទេ ចាប់តាំងពីគាត់ត្រូវបានព្រមានជាផ្លូវការ ដោយក្រសួងការបរទេសជាច្រើនដងមុនការផ្លាស់ប្ដូរកាលពីថ្ងៃទី ២៨។
ក្នុងពេលប៉ុន្មានឆ្នាំថ្មីៗនេះ ប្រធានាធិបតី ប្រទេសម៉ុងតេណេហ្គ្រោលោក Milo Djukanovic បានបង្រួបបង្រួមការបែកបាក់ជាមួយស៊ែប៊ី និង រុស្ស៊ីបន្ទាប់ពីលោកយកប្រទេសរបស់លោកចូលទៅក្នុងអង្គការ NATO ក្នុងឆ្នាំ ២០១៧។ គូប្រជែងរបស់លោកបានចោទប្រកាន់លោកពីការប្រព្រឹត្ដអំពើពុករលួយ បក្ខពួក និយមការត្រួតត្រាប្រព័ន្ធផ្សព្វផ្សាយ និងទំនាក់ទំនងទៅនឹងបទល្មើសដែលបានរៀបចំឡើង។
ម៉ុងតេណេហ្គ្រោនៅតែបែកបាក់គ្នាក្នុងចំណោមអ្នកដែលស្វែងរកទំនាក់ទំនងជិតស្និទ្ធជាមួយស៊ែប៊ី រុស្ស៊ី និង អ្នកដែលចាត់ទុកម៉ុងតេណេហ្គ្រោជារដ្ឋឯករាជ្យ ដែលមានសម្ព័ន្ធមិត្តជាមួយលោកខាងលិច។
ប្រធានាធិបតីម៉ុងតេណេហ្គ្រោ លោក Milo Djukanovic ដែលដឹកនាំប្រទេសអស់រយៈពេលជិត ៣០ ឆ្នាំ មកហើយនោះ បានដឹកនាំប្រទេសឱ្យឃ្លាតឆ្ងាយពីសម្ព័ន្ធមិត្តស៊ែប៊ី និង រុស្ស៊ី តាមរយៈការចូលរួមជាមួយណាតូក្នុងឆ្នាំ ២០១៧។
រដ្ឋាភិបាលម៉ុងតេណេហ្គ្រោត្រូវបានគេរំពឹងថា នឹងនៅតែប្រកាន់ជំហរដដែលសម្រាប់រយៈពេល ៤ ថៃ្ងខាងមុខ ខណៈដែលរដ្ឋាភិបាលចម្រុះថ្មីមួយបានត្រៀមជំនួសរដ្ឋាភិបាលចាស់បន្ទាប់ពីការបោះឆ្នោតក្នុងខែសីហា។
គណបក្សសង្គមនិយមបស្ចិមប្រទេសដែលកំពុងកាន់អំ ណាចយូរឆ្នាំរបស់លោក Djukanovic ត្រូវបានចាញ់ដោយសារក្រុមចម្រុះ ដែលគាំទ្ររដ្ឋាភិបាលស៊ែប៊ី ដែលរដ្ឋាភិបាលថ្មីនេះ នឹងត្រូវបោះឆ្នោតឱ្យចូលកាន់តំណែងក្នុងសម័យប្រជុំសភានៅសប្តាហ៍ក្រោយ៕