.jpg)
ជនចំណាកស្រុកហុងឌូរ៉ាសរាប់ពាន់នាក់ កំពុងធ្វើដំណើរទៅអាមេរិក។ AFP
ក្រុងទុកត៍ឡាហ្គូធៀរេស៖ ម៉ិកស៊ិកកាលពីថ្ងៃសុក្រ បានចេញបញ្ជាឲ្យយោធាដាក់ពង្រាយកងកម្លាំងនៅតាមបណ្តោយព្រំដែនភាគខាងត្បូងរបស់ខ្លួន ដើម្បីទប់ស្កាត់ក្បួនជនចំណាកស្រុកមួយ ដែលលោកប្រធានាធិបតី អានដ្រេស ម៉ានុយអែល ឡូភីស អូប្រាឌើរ បានស្នើសុំនោះ បានជាប់ទាក់ទងទៅនឹងការបោះឆ្នោតនៅអាមេរិក។
ក្រុមជនចំណាកស្រុកហុងឌូរ៉ាសរាប់ពាន់នាក់ កំពុងធ្វើដំណើរឆ្លងកាត់ប្រទេសក្វាតេម៉ាឡា ដោយបានសំដៅទៅកាន់អាមេរិកតាមរយៈប្រទេសម៉ិកស៊ិក ទើបតែបានប៉ុន្មានសប្តាហ៍ នៅមុនការបោះឆ្នោតប្រធានាធិបតីអាមេរិកដ៏តានតឹងមួយ ដែលការធ្វើអន្តោប្រវេសន៍ គឺជាបញ្ហាសំខាន់មួយនៅអាមេរិកបច្ចុប្បន្ន។
លោក ឡូភីស អូប្រាឌើរ បានថ្លែងប្រាប់ក្រុមអ្នកកាសែតថា៖ «វាមើលទៅហាក់បីដូចជាចម្លែកយ៉ាងខ្លាំងសម្រាប់ពួកយើង វាចម្លែកយ៉ាងខ្លាំងត្រង់ថា ក្បួនជនចំណាកស្រុកនេះ បានចាកចេញនៅមុនការបោះឆ្នោតនៅអាមេរិក»។
លោកបានបន្ថែមថា៖ «បញ្ហានោះ វាត្រូវតែធ្វើឡើងជាមួយការបោះឆ្នោតនៅអាមេរិកខ្ញុំគ្មានឱកាសទាំងអស់នោះទេ ប៉ុន្តែខ្ញុំគិតថា គឺមានការចង្អុលបង្ហាញថា បញ្ហានេះបានធ្វើការជាមួយគ្នាសម្រាប់គោលបំណងមួយនេះ»។
ក្រុមជនចំណាកស្រុកទាំងនោះ ភាគច្រើនបំផុតជាបុរសវ័យក្មេងបានឆ្លងកាត់ព្រំដែនយ៉ាងច្រើនចេញពីប្រទេសហុងឌូរ៉ាស ចូលទៅក្នុងប្រទេសក្វាតេម៉ាឡា កាលពីថ្ងៃព្រហស្បតិ៍ ទោះបីជាការរឹតបន្តឹងបានជាប់ទាក់ទងទៅនឹងការឆ្លងរាលដាលវីរុសផ្លូវដង្ហើមកូរ៉ូណាប្រភេទថ្មីនេះក្តី។
ក្រុមជនចំណាកស្រុកជាច្រើន ពេលនេះមិនបានពាក់ម៉ាស់ការពារ ដើម្បីប្រឆាំងការឆ្លងរាតត្បាតជំងឺកូវីដ ១៩ ទេ។
មានអ្នកខ្លះ បានវិលត្រឡប់ទៅកាន់ប្រទេសរបស់ពួកគេវិញ ក្រោយរដ្ឋាភិបាលក្វាតេម៉ាឡា បានបញ្ជាឲ្យឃុំខ្លួន និងនិរទេសពួកគេ៕ AFP/SK
