.jpg)
យន្តហោះ Tu-142។ រូបថត AFP
ក្រុងម៉ូស្គូៈ ទីភ្នាក់ងារសារព័ត៌មាន TASS បានរាយការណ៍កាលពីថ្ងៃសៅរ៍ ដោយបាននិយាយលើកឡើងអំពីមេបញ្ជាការកងនាវារុស្ស៊ី គឺលោក នីកូលៃ យីវមីណូវ ថា ក្រុមយន្តហោះចម្បាំងរបស់អង្គការណាតូ បានហោះអមដំណើរយន្តហោះ Tu-142 របស់រុស្ស៊ី ១០ គ្រឿង នៅក្នុងការហោះហើររបស់ពួកគេនៅក្នុងតំបន់សមុទ្រ ដែលបានហោះហើរថាជាផ្នែក នៃការធ្វើសមយុទ្ធនាវា Ocean Shield-2020 នោះ។
លោក យីមីណូវ បានថ្លែងថា៖ «យន្តហោះចម្បាំងប្រឆាំងនាវាមុជទឹក Tu-142 ១០ គ្រឿង បានហោះហើរទៅតាមកាលបរិច្ឆេទ ទៅកាន់តំបន់សមុទ្រនៅពីលើដែនទឹកសមុទ្រខ្មៅ បាល់ទិក ណូរវីចៀន ឈូគីហ៊ី និងសមុទ្រប៊ីយូហ្វត នៅតាមផ្លូវសមុទ្រភាគខាងជើង និងហោះនៅពីលើដែនទឹកមហាសមុទ្រប៉ាស៊ីហ្វិកកណ្តាល»។
លោកបានបន្ថែមថា៖ «យន្តហោះចម្បាំងដែលបានធ្វើឡើងទៅតាមតួនាទី នៅក្នុងតំបន់សមុទ្រនោះ ត្រូវបានអមដំណើរដោយក្រុមយន្តហោះចម្បាំងជាច្រើនគ្រឿងពីក្រុមប្រទេសអង្គការណាតូ»។
យោងតាមលោក យីវមីណូវ បានឲ្យដឹងថា ការបំពានវិធានការសន្តិសុខ និងច្បាប់ដែនអាកាសអន្តរជាតិត្រូវបានអនុញ្ញាតជាដាច់ខាត៕ Xinhua/SK
